Kamus-ı Muhit - البزم maddesi

اَلْبَزْمُ [el-bezm] (zâ-yı muʹceme ile جَزْمٌ [cezm] vezninde) Bir nesneyi dişlerin uçlarıyla ısırmak maʹnâsınadır, ʹalâ-kavlin dört ön dişler ile ve o dişlerin ardında olan dört diş ile ısırmak maʹnâsınadır; yukâlu: بَزَمَ عَلَيْهِ بَزْمًا مِنَ الْبَابِ الثَّانِي وَالْأَوَّلِ إِذَا عَضَّ بِمُقَدَّمِ أَسْنَانِهِ أَوْ بِالثَّنَايَا وَالرَّبَاعِيَاتِ Ve bir ağır yükü yüklenip aslen istiskâl eylemeyerek bî-muhâbâ harekete muktedir olmak maʹnâsınadır; yukâlu: بَزَمَ بِالْعِبْءِ إِذَا حَمَلَهُ فَاسْتَمَرَّ بِهِ Ve baş parmakla ve şehâdet parmağıyla süt sağmak maʹnâsınadır; yukâlu: بَزَمَ النَّاقَةَ إِذَا حَلَبَهَا بِالسَّبَّابَةِ وَالْإِبْهَامِ Ve bir adamın libâsını kapıp almak maʹnâsınadır; yukâlu: بَزَمَ فُلَانًا ثَوْبَهُ إِذَا سَلَبَهُ إِيَّاهُ كَمَا يُقَالُ بَزَّهُ إِيَّاهُ Ve bir işe katʹî ʹazîmet eylemek maʹnâsınadır; yukâlu: بَزَمَ الْأَمْرَ إِذَا صَرَمَ عَلَيْهِ أَيْ عَزَمَ Ve galîz söz söylemek maʹnâsınadır; yukâlu: بَزَمَ الْقَوْلَ إِذَا أَغْلَظَ Ve kırmak maʹnâsınadır; yukâlu: بَزَمَهُ إِذَا كَسَرَهُ Ve yayın kirişini sebbâbe ve ibhâmla çekip salıvermek maʹnâsınadır; yukâlu: بَزَمَ وَتَرَ الْقَوْسِ إِذَا أَخَذَهُ بِالسَّبَّابَةِ وَالْإِبْهَامِ ثُمَّ أَرْسَلَهُ

Vankulu Lugatı - البزم maddesi

اَلْبَزْمُ [el-bezm] (bâ’nın fethi ve zâ’nın sükûnuyla) Bir nesneyi ön dişiyle ısırmak; yukâlu: بَزَمَ عَلَيْهِ يَبْزُمُ وَيَبْزِمُ مِنَ الْبَابِ الْأَوَّلِ وَالثَّانِي إِذَا عَضَّ بِمُقَدَّمِ أَسْنَانِهِ Ve

بَزْمٌ [bezm] Nâkayı baş parmağıyla ve şehâdet parmağıyla sağmağa dahi derler.