Kamus-ı Muhit - التيم maddesi

اَلتَّيْمُ [et-teym] (tâ’nın fethi ve yâ’nın sükûnuyla) Kula denir; yukâlu: هُوَ تَيْمُ اللهِ أَيْ عَبْدُ اللهِ Bekr [b.] Vâ΄il kabîlesinden bir batn olan Teymullâh b. Šaʹlebe b. ʹUkâbe maʹnâ-yı mezkûrdan ismdir. Ve تَيْمُ اللهِ [Teymullâh] Nemir b. Ḵâsiṯ kabîlesi nesebinin ricâlindendir. Ve izâfetsiz yalnız تَيْمٌ [Teym] ile tesmiye ederler. Ez-cümle Teym b. Murre, Ḵureyş nesebinde Ebû Bekr eṡ-Ṡiddîḵ radıyallâhu ʹanhu hazretlerinin kavmidir, yaʹnî ceddidir. Ve Teym b. Ġâlib b. Fihr kezâlik Ḵureyş ricâlindendir. Ve Teym b. Ḵays b. Šaʹlebe b. ʹUkâbe, Teymullâh-ı merkûmun birâderidir. Ve Teym b. Şaʹbân b. Šaʹlebe mezbûrun ʹamm-zâdesidir. Ve Teymullât, Ḋabbe kabîlesinden bir kimsedir. Ve Teym b. Ḋabbe mezbûrun ʹamucasıdır. Ve Teymullât b. Šaʹlebe, Ḣazrec kabîlesindendir.

Vankulu Lugatı - التيم maddesi

اَلتَّيْمُ [et-teym] (tâ’nın fethi ve yâ’nın sükûnuyla) Zelîl kılmak; yukâlu: تَامَتْهُ فُلَانَةُ Ve

تَيْمٌ [Teym] Ḵureyş’ten bir cemâʹattir ki Ebû Bekr Ṡiddîḵ radıyallâhu ʹanhu onlardandır. Ve o Teym b. Murre’dir, cedd-i aʹlâlârı Naḋr’dır. Ve Teym b. Ġâlib dahi Ḵureyş’ten bir kimsenin ismidir. Ve Ṯeym b. Ḵays ve Teym b. Şeybân, Bekr kabîlesinden bir kimsenin ismidir. Ve Teym b. Ḋabbe ve Teymullât kezalik Ḋabbe kabîlesinden bir kimsenin ismidir. Ve Teymullât kezâlik Ḣazrec kabîlesinden bir kimsenin ismidir ki Enṡâr’dandır ki o Teymullât b. Ṡaʹlebe’dir ki ismi Neccâr’dır. Ve Benû Teym b. Šaʹlebe, Ṯayyi΄ kabîlesindendir.