اَلتَّيَمُّمُ [et-teyemmum] (تَفَعُّلٌ [tefaʹʹul] vezninde) Gereği gibi kasd ve âhenk eylemek maʹnâsınadır; yukâlu: تَيَمَّمَهُ إِذَا تَوَخَّاهُ وَتَعَمَّدَهُ Aslı تَأَمُّمٌ idi, yâ΄ hemzeden mübeddel oldu. Ve ʹörf-i şerʹde âbdest bedeli vech-i meşrûʹ üzere tahâret-i şerʹiyye kılmak maʹnâsına müstaʹmeldir ki yüzü ve elleri dirseğe varınca toprakla mesh eylemekten ʹibârettir, kasd-ı saʹîdi mutazammındır; yukâlu: تَيَمَّمَ الْمَرِيضُ إِذَا مَسَحَ وَجْهَهُ وَيَدَيْهِ بِالتُّرَابِ
اَلتَّيَمُّمُ [et-teyemmum] (fethateynle ve mîm-i evvelin zammı ve teşdîdiyle) Kezâlik kasd etmek; tekûlu: يَمَّمْتُهُ إِذَا قَصَدْتَهُ Ve
تَيَمُّمٌ [teyemmum] Âbdest bedeline toprakla tahâret-i şerʹiyye kılmağa dahi derler; tekûlu: تَيَمَّمْتُ لِلصَّلَاةِ وَأَصْلُهُ التَّعَمُّدُ وَالتَّوَخِّي Yaʹnî تَيَمُّمٌ [teyemmum] تَيَمَّمْتُكَ ve تَأَمَّمْتُكَ kavlinden me΄hûzdur, قَصَدْتُكَ maʹnâsına. Ve İbnu’s-Sikkît eyitti: Bârî taʹâlânın ﴿فَتَيَمَّمُوا صَعِيدًا طَيِّبًا﴾ (النساء، 43، المائدة، 6)dediği kavl-i şerîfi اِقْصِدُوا لِصَعِيدٍ طَيِّبٍ maʹnâsınadır, zîrâ ʹArabların teyemmümü taleb ve kasd maʹnâsında istiʹmâli kesîr olmuştur, lafz-ıتَيَمُّمٌ [teyemmum] türâbla yüzü mesh edip elleri mesh etmeğe mahsus oluncaya dek.
Sitemizde detaylı hızlı ve kolay arama ekranı