Kamus-ı Muhit - الحمراء maddesi

اَلْحَمْرَاءُ [el-ḩamrâ΄] أَحْمَرُ [aḩmer]in mü΄ennesidir. Ve

حَمْرَاءُ [ḩamrâ΄] ʹAcem tâ΄ifesine yaʹnî ʹArab mukâbili olan cins-i insânîye ıtlâk olunur, Fürs ve Rûm ve Türk ve Hindî dâhildir. Ve kıtlık yıla ıtlâk olunur, şiddetinden nâşî; yukâlu: سَنَةٌ حَمْرَاءُ أَيْ شَدِيدَةٌ Ve ıssılığı pek şedîd olan nısf-ı nehâr vaktine ıtlâk olunur; yukâlu: ظَهِيرَةٌ حَمْرَاءُ أَيْ شَدِيدَةُ الْحَرِّ Ve

حَمْرَاءُ [Ḩamrâ΄] Maġrib’de Leble eyâletinin şehri ismidir. Ve Fusṯâṯ-ı Mıṡr’da bir mevziʹ adıdır. Ve Ḵuds-i şerîf’te bir mevziʹ adıdır. Ve Yemen’de bir karye adıdır. Ve

حَمْرَاءُالْأَسَدِ [Ḩamrâ΄u’l-Esed] Medîne’ye üç mîl mesâfede bir mevziʹ adıdır. Ve

حَمْرَاءُ [Ḩamrâ΄] Mıṡır diyârında üç karye adıdır. Ve

مُضَرُالْحَمْرَاءِ [Muḋaru’l-Ḩamrâ΄] (izâfetle) Ḵureyş kabîlesinden Muḋar b. Nizâr olacaktır. Pederi vefâtında mîrâsını taksîm edip kendisi altın ve birâderi Rebîʹa atları ahz eylemekle ona Muḋaru’l-Ḩamrâ΄ Ve birâderine Rebîʹatu’l-Feres ıtlâk eylediler. ʹAlâ-kavlin cenk hengâmında müteʹallâkâtıyla ʹalâmetleri kızıl şukkalı bayraklar olduğu bâʹis-i tesmiyedir.

Vankulu Lugatı - الحمراء maddesi

اَلْحَمْرَاءُ [el-ḩamrâ΄] (ḩâ’nın fethi ve mîm’in sükûnuyla ve elifin meddiyle) ʹAcem tâ΄ifesidir ki ʹArabın mukâbilidir, zîrâ onların ekseri aşkaru’l-levndir. Ve

حَمْرَاءُ [ḩamrâ΄] Bir nesnin yenisine dahi derler; yukâlu: وَطْأَةٌ حَمْرَاءُ Tâze iz maʹnâsına ki وَطْأَةٌ دَهْمَاءُ eski iz maʹnâsınadır. Ve دَهْمَاءُ [dehmâ΄] dâl-ı mühmele ile siyâh demek olur. Ve سَنَةٌ حَمْرَاءُ kıtlık yılına dahi derler; yukâlu: سَنَةٌ حَمْرَاءُ أَيْ شَدِيدَةٌ