Kamus-ı Muhit - الحلول maddesi

اَلْحَلُّ [el-ḩall] (ḩâ’nın fethi ve lâm’ın teşdîdiyle) ve

اَلْحُلُولُ [el-ḩulûl] (قُعُودٌ [ḵuʹûd] vezninde) ve

اَلْحَلَلُ [el-ḩalel] (fethateynle ki nevâdirdendir) Bir yere nüzûl edip konmak maʹnâsınadır; yukâlu: حَلَّ الْمَكَانَ وَبِالْمَكَانِ حَلًّا وَحُلُولًا وَحَلَلًا مِنَ الْبَابِ الْأَوَّلِ وَالثَّانِي إِذَا نَزَلَ بِهِ Ve gâh olur ki bâ΄ harfiyle müteʹaddî olur, kondurmak maʹnâsına. Harf-i bâ΄ hemze-i إِفْعَالٌ [ifʹâl]i muʹâkib oldu ki onunla hemzeden istignâ olundu; yukâlu: حَلَّ بِهِ إِذَا جَعَلَهُ يَحُلُّ Ve

حَلٌّ [ḩall] Seğirtmek maʹnâsınadır; yukâlu: حَلَّ الرَّجُلُ إِذَا عَدَا Ve düğümü çözmek maʹnâsınadır; yukâlu: حَلَّ الْعُقْدَةَ إِذَا نَقَضَهَا Mü΄ellifin Baṡâ΄ir’de beyânına göre işbu حَلٌّ [ḩall] mâddesi çözmek maʹnâsına mevzûʹdur, maʹânî-i sâ΄ire birer münâsebet ve tasavvur ile ondan münşaʹibdir. Ve

حَلٌّ [ḩall] ve

حُلُولٌ [ḩulûl] Donmuş nesnenin donu çözülüp erimek maʹnâsınadır; yukâlu: حُلَّ الْجَامِدُ عَلَى الْمَجْهُولِ إِذَا أُذِيبَ Ve bir mekân meskûn olmak maʹnâsınadır; yukâlu: حُلَّ الْمَكَانُ عَلَى الْمَجْهُولِ إِذَا سُكِنَ Ve

حَلٌّ [ḩall] شَيْرَجٌ [şeyrec] ismidir ki susam yağıdır, şîr-i rûgan muharrefidir şırlagan taʹbîr olunur; yukâlu: مَا فِي الْقِنْدِيلِ حَلٌّ أَيْ شَيْرَجٌ

Vankulu Lugatı - الحلول maddesi

اَلْحُلُولُ [el-ḩulûl] (zammeteynle) Kezâlik konmak. Ve

حُلُولٌ [ḩulûl] Kurbân şol mevziʹe erişmeğe dahi derler ki onda onun zebhi helâl olur; yukâlu: حَلَّ الْهَدْيُ يَحِلُّ حُلُولًا إِذَا بَلَغَ الْمَوْضِعَ الَّذِي يَحُلُّ فِيهِ نَحْرُهُ Ve حَلَّ الْعَذَابُ يَحِلُّ derler bâb-ı sânîden وَجَبَ maʹnâsına ve يَحُلُّ derler bâb-ı evvelden يَنْزِلُ maʹnâsına. Ve bu iki maʹnâ üzerine kırâ΄at olundu Bârî taʹâlânın ﴿فَيَحِلَّ عَلَيْكُمْ غَضَبِي﴾ (طه، 81) dediği kavli. Ve ammâ: ﴿أَوْ تَحُلُّ قَرِيبًا مِنْ دَارِهِمْ﴾ (الرعد، 31) dediği hemîn zammla kırâ΄at olunmuştur,تَنْزِلُ maʹnâsına. Ve

حُلُولٌ [ḩulûl] Deyn hâll olmağa dahi derler; tekûlu: حَلَّ الدَّيْنُ يَحِلُّ حُلُولًا مِنَ الْبَابِ الثَّانِي