اَلْحَمْصُ [el-ḩamṡ] (ḩâ’nın fethi ve mîm’in sükûnuyla) ve
اَلْحُمُوصُ [el-ḩumûṡ] (قُعُودٌ [ḵuʹûd] vezninde) Yaranın şişi inip sâkin olmak maʹnâsınadır; yukâlu: حَمَصَ الْجُرْحُ حَمْصًا وَحُمُوصًا مِنَ الْبَابِ اْلأَوَّلِ إِذَا سَكَنَ وَرَمُهُ Ve salıncağın şiddetle salınması gidip yavaşımak maʹnâsınadır; yukâlu: حَمَصَتِ الْأُرْجُوحَةُ إِذَا سَكَنَتْ فَوْرَتُهَا Ve göze düşen hâr u hâşâkı sühûletle çıkarmak maʹnâsınadır; yukâlu: حَمَصَ الْقَذَاةَ إِذَا أَخْرَجَهَا مِنْ عَيْنِهِ بِرِفْقٍ Ve çocuk salıncakta kendi kendisine salınmak maʹnâsınadır. Ve dâbbeden su gitmek yaʹnî gereği gibi ter boşanıp akmağa denir. Şârihin beyânına göre koşuya gitmezden mukaddemce meselâ bir atın üzerine çullar örtüp gereği gibi terlemesinden ʹibârettir, tâ ki yaranıp soluklu seğirtir ola.
اَلْحُمُوصُ [el-ḩumûṡ] (zammeteynle) Yaranın şişi sâkin olmak; yukâlu: حَمَصَ الْجُرْحُ حُمُوصًا مِنَ الْبَابِ الْأَوَّلِ إِذَا سَكَنَ وَرَمُهُ Ve
حُمُوصٌ [ḩumûṡ] Salıncak şiddetle salınmadan sâkin olmak; yukâlu: حَمَصَتِ الْأُرْجُوحَةُ إِذَا سَكَنَ مِنْ فَوْرَتِهَا
Sitemizde detaylı hızlı ve kolay arama ekranı