اَلسُّلَحْفِيَةُ [es-sulaḩfiyet] (بُلَهْنِيَةٌ [bulehniyet] vezninde) ve
اَلسُّلَحْفَاةُ [es-sulaḩfât] (sîn’in zammı ve lâm’ın fethiyle) ve
اَلسُّلَحْفَاءُ [es-sulaḩfâ΄] (elifin meddi ve kasr ile) ve
اَلسُّلَحْفَاةُ [es-sulaḩfât] (sîn’in zammı ve lâm’ın sükûnu ve ḩâ’nın fethi ve kasr ile) ve
اَلسِّلَحْفَاةُ [es-silaḩfât] (sîn’in kesri ve lâm’ın fethiyle) Kaplumbağaya denir, Fârisîde seng-püşt denir. Demi ve merâresi masrûʹa nâfiʹ ve demini telattuh teşdîd-i mefâsılda müfîddir. Ve arkası üzere elleri ve ayakları havâda olarak vazʹ eyleseler o havâlîye dolu yağmadığı hasâ΄isten olmak üzere menkûldür.
اَلسُّلَحْفِيَةُ [es-sulaḩfiyet] (sîn’in zammı ve lâm’ın fethi ve fâ’nın kesriyle) Kezâlik سُلَحْفَاةٌ [sulaḩfât]ta lügattır, Ebû ʹUbeyd rivâyeti üzere بُلَهْنِيَةٌ [bulehniyet] vezni üzere. Pes سُلَحْفِيَةٌ [sulaḩfiyet] humâsîye elifle ilhâk olunmuştur, elifin yâ’ya inkılâbı mâ-kablin kesretinden ötürüdür. Ve بُلَهْنِيَةٌ [bulehniyet] maʹîşette vüsʹat olmağa derler.
Sitemizde detaylı hızlı ve kolay arama ekranı