Kamus-ı Muhit - السلا maddesi

اَلسَّلَا [es-selâ] (عَصَا [ʹaṡâ] vezninde) Şol yufka deriye denir ki batn-ı mâderde veled onda tevellüd eder ve ekserî bilece çıkar. Eger doğduğu anda yüzünden sıyırıp alınmaz ise veled helâk olur, insânda ve mevâşîde olana ıtlâk olunur, Türkîde eş ve son taʹbîr ederler; cemʹi أَسْلَاءٌ [eslâ΄] gelir; ve minhu’l-meselu: “وَقَعُوا فِي سَلَا جَمَلٍ” أَيْ أَمْرٍ صَعْبٍ Yaʹnî bir müşkil hâle dûçâr oldukta darb olunur, zîrâ erkek devede o deri olmaz. Ve kezâlik yukâlu: “إِنْقَطَعَ السَّلَا فِي الْبَطْنِ” كَمَا يُقَالُ “بَلَغَ السِّكِّينُ الْعَظْمَ” Yaʹnî bu dahi meseldir, bir iş nihâyet derecede düşvâr oldukta îrâd olunur. Ve

سَلَا [Selâ] Maġrib’de bir belde adıdır; nisbetinde سَلَاوِيٌّ [Selâviyy] denir. Ve

سَلَا [selâ] Masdar olur, rahimde zikr olunan deri pârelenmek maʹnâsınadır; yukâlu: سَلِيَتِ الشَّاةُ سَلًا مِنَ الْبَابِ الرَّابِعِ إِذَا انْقَطَعَ سَلَاهَا

Vankulu Lugatı - السلا maddesi

اَلسَّلَا [es-selâ] (sîn’in fethi ve elifin kasrıyla) Şol yufka deridir ki ana karnında veled onun içinde olur, eger doğduğu sâʹat onu veledin yüzünden almazlar ise fi’l-hâl veledi katl eyler. Ve eger o nâkanın karnında munkatıʹ olsa veledle bile çıkarsa veled ve ana sâlim olurlar ve eger çıkmazsa veled ve anası helâk olur. Ve fi’l-meseli: “وَقَعَ الْقَوْمُ فِي سَلَا جَمَلٍ” أَيْ فِي أَمْرٍ صَعْبٍ Ve bunun vechi budur ki “cemel” erkek deveye derler ve erkek devede oğlan yatağı olmaz. Pes bu “أَعَزُّ مِنَ الْأَبْلَقِ الْعَقُوقِ وَمِنْ بَيْضِ الْأَنُوقِ” dedikleri gibidir. Ve اَبْلَقُ [eblaḵ] erkek ata derler. Ve عَقُوقٌ [ʹaḵûḵ] hâmile olan hayvâna derler, erkek hâmile olmadığına binâ΄en “أَعَزُّ مِنَ الْأَبْلَقِ الْعَقُوقِ” derler. Ve بَيْض الْأَنُوقِ [beyḋu’l-enûḵ] kerkes yumurtasına derler ki ziyâde sarp yerlerde yumurtlar; ve yukâlu eyzan: إِنْقَطَعَ السَّلَا فِي الْبَطْنِ إِذَا ذَهَبَ الْحِيلَةُ Yaʹnî kaçan bir nesnenin çâresi kalmasa böyle derler, nitekim “بَلَغَ السِّكِّينُ الْعَظْمَ” dahi derler.