اَلطَّرْفَاءُ [eṯ-ṯarfâ΄] (صَحْرَاءُ [ṡaḩrâ΄] vezninde) Bir cins şecer adıdır ki dört sınf olur: Bir sınfı أَثْلٌ [ešamp;l] dedikleridir, bu ağaç ılgın ağacı dedikleridir ki Fârisîde dıraht-ı gez derler. Ve أَثْلٌ [ešamp;l] acı ılgın ağacıdır ki bir nevʹidir. Kebîri ve sagîri ve müsmiri ve gayr-i müsmiri olur. Ve bunun müfredi طَرْفَاءُ [ṯarfâ΄]dır hâ’yla ve طَرَفَةٌ [ṯarefet]tir fetehâtla. Ve طَرَفَةٌ [ṯarefet] ile baʹzı kimseler tesmiye ve telkîb olundular. Ez-cümle ʹAmr b. el-ʹAbd nâm şâʹir telkîb olundu ki lakabıyla müteʹâreftir. Ve baʹzılar dedi ki mezbûr işbu: “لاَ تُعْجِلاَ بِالْبُكَاءِ الْيَوْمَ مُطَرَّفًا || وَلاَ أَمِيرَيْكُمَا بِالدَّارِ إِذْ وَقَفَا” beytini inşâ eylediği için mülakkab oldu. Ve Ṯarefe el-Ḣuzeymî ki şâʹirdir, Benû Ḣuzeyme b. Revâḩa’dandır. Ve Ṯarefe el-ʹÂmirî ki Benî ʹÂmir b. Rebîʹa’dandır. Ve Ṯarefe b. Elâ΄e b. Naḋla el-Feletân b. el-Munžir şâʹirlerdir. Ve Ṯarefe b. ʹArfece ashâbdandır; yevmu’l-külâb vakʹasında burnu katʹ olunmakla gümüşten burun ittihâz edip baʹdehu gümüş taʹaffün eylemekle altından ittihâzına murahhas oldu.
اَلطَّرْفَاءُ [eṯ-ṯarfâ΄] (ṯâ’nın fethi ve râ’nın sükûnu ve elifin meddiyle) Bostânî olan ılgın ağacı.
Sitemizde detaylı hızlı ve kolay arama ekranı