اَلْعُرْبَانُ [el-ʹurbân] (عُثْمَانُ [ʹušamp;mân] vezninde) ve
اَلْعُرْبُونُ [el-ʹurbûn] (عُرْجُونٌ [ʹurcûn] vezninde) ve
اَلْعَرَبُونُ [el-ʹarabûn] (جَبَرُوتٌ [ceberût] vezninde) Şol akçeye denir ki onunla beyʹ ü şirâ münʹakid olur. Murâd peşin verilen bir mikdâr akçedir ki ʹâmme pey taʹbîr eder, meselâ yüz kuruşa bir nesne pazar eyledikte ʹakd-i muʹâmele için müşterînin verdiği on kuruş gibi. Ve mevâdd-ı mezkûrenin ʹayn’larını hemzeye ibdâlle أُرْبَانٌ [urbân] ve أُرْبُونٌ [urbûn] ve أَرَبُونٌ [urebûn] dahi derler.
اَلْعُرْبَانُ [el-ʹurbân] (ʹayn’ın zammı ve râ’nın sükûnuyla) Bi-maʹnâhu eyzan. Bu zikr olunan Ṡıḩâḩ’ın nüsah-ı musahhahasının rivâyetine muvâfık ve Ḵâmûs’un zabt ve tasrîhine mutâbık olandır.Pes sâhib-i Ṡurâḩ’ın عُرْبُونٌ [ʹurbûn] ve عُرْبَانٌ [ʹurbân] bi’z-zammi fîhimâ عَرَبَانٌ [ʹarebân] bi-fethateyn dediği lafzen ve veznen muhâlif olduğundan gayrı lügât-ı mezbûreye zebûn ve gûl ile tefsîri hatâ olduğunda iştibâh yoktur.
Sitemizde detaylı hızlı ve kolay arama ekranı