اَلْعُرْقُصَاءُ [el-ʹurḵuṡâ΄] (ʹayn’ın ve ḵâf’ın zammıyla) ve
اَلْعُرَيْقِصَاءُ [el-ʹureyḵiṡâ΄] (musaggar bünyesiyle) ve
اَلْعُرَيْقِصَانَةُ [el-ʹureyḵiṡânet] ve
اَلْعَرَنْقُصَانُ [el-ʹarenḵuṡân] (râ’dan sonra nûn ziyâdesiyle) ve
اَلْعَرْقَصَانُ [el-ʹarḵaṡân] (ʹayn’ın ve râ’nın fethiyle) حَنْدَقُوقَى [ḩandeḵûḵâ] ismidir, ʹalâ-kavlin يَرْبَطُو [yerbeṯû] ismidir. حَنْدَقُوقَى [ḩandeḵûḵâ] yabanî tirfil dedikleri nebâttır. Ve يَرْبَطُو [yerbeṯû] yâ’nın ve bâ’nın fethiyle bir nebâttır ki sâkı râziyâne sâkına şebîh ve yaprakları kökünün havâlîsinde müctemiʹ olur, vebâ’nın envâʹına ʹazîmü’n-nefʹ ve sünûnu kurt ekl eylemiş esnâna ve sıklet-i sâmiʹaya ve vecaʹ-ı tıhâle ve sudâʹ-ı müzmine vü nezleye ve gayrı emrâza müfîddir. Müfredât sâhibleri bunu بَخُورُ الْأَكْرَادِ [baḣûru’l-ekrâd] dedikleri nebâtla beyân eylediler.
Sitemizde detaylı hızlı ve kolay arama ekranı