Kamus-ı Muhit - الفنيك maddesi

اَلْفَنِيكُ [el-fenîk] (أَمِيرٌ [emîr] vezninde) Çenelerin kavuştuğu yere denir ki iki taraflı olur, ikisine فَنِيكَانِ [fenîkân] denir; ʹalâ-kavlin alt dudağın altında عَنْفَقَةٌ [ʹanfeḵat]ın iki yanlarına gelen uçlarının her birine denir, ikisine فَنِيكَانِ [fenîkân] denir. عَنْفَقَةٌ [ʹanfeḵat] zekan ortasındaki azca kıllara denir, niteki mâddesinde beyân olundu. Kâle’ş-şârih ve minhu’l-hadîsu: “إِذَا تَوَضَّأْتَ فَلَا تَنْسَ الْفَنِيكَيْنِ” Kâle’l-mu΄ellif: وَهُوَ مَجْمَعُ لَحْيَيْكَ أَوْ طَرَفُهُمَا عِنْدَ الْعَنْفَقَةِ Mahall-i mezbûrlar gaslde mevkiʹ-i gaflet olduğuna mebnî tenbîh sâdır oldu. Lâkin Nihâye’de gayr gûnetefsîr olunmuştur. Ve başta tırâş müntehî olduğu yerdeki kemiğe denir. Ve زِمِكَّى [zimikkâ] maʹnâsınadır ki kuşun kuyruğunun köküne denir.

Vankulu Lugatı - الفنيك maddesi

اَلْفَنِيكُ [el-fenîk] (fâ’nın fethi ve nûn’un kesri ve meddiyle) Çene uçları ve dudak altında olan kıllar çevresidir. Ve baʹzılar onu اَلْإِفْنِيكُ [el-ifnîk]tir dedi, hemzenin kesri ve fâ’nın sükûnuyla ve nûn’un kesri ve meddiyle. Ve Kisâ΄î فَنِيكٌ [fenîk]in aslı إِفْنِيكٌ [ifnîk] olmasına inkâr etti. Ve fi’l-hadîsi: “إِذَا تَوَضَّأْتَ فَلَا تَنْسَ الْفَنِيكَيْنِ” يَعْنِي جَانِبَيِ الْعَنْفَقَةِ عَنْ يَمِينٍ وَشِمَالٍ وَهُمَا الْمَغْفَلَةُ Ve عَنْفَقَةٌ [ʹanfeḵat] ʹayn-ı mühmelenin ve fâ’nın fethiyle aşağı dudak altında olan bir bölük kıldır ki onun iki cânibi kıldan hâlî olmağın gaslda mahall-i gaflet olur.