اَلْكَبِيسَةُ [el-kebîset] Kebs olunmuş yaʹnî doldurulmuş nesneye denir; te΄nîsi mevsûf iʹtibârıyladır. سَنَةٌ كَبِيسَةٌ [senetun kebîset] bu maʹnâdandır ki kendi için bir gün sirkat olunmuş seneye ıtlâk olunur. Ve bu her dört senede bir olur, sene-i şemsiyyenin üç yüz altmış altı güne geldiği senedir. Dört senede bir küsûr eyyâmını cemʹ edip şubat âhirine ziyâde ederler ki ona فَضْلُ السَّنَةِ [faḋlu’s-senet] taʹbîr olunur. Sene-i şemsiyye üç yüz altmış beş gün ve bir rubuʹ gün olmakla deverânla dört senede bir üç yüz altmış altı gün kâmil gelir. Hülâsası, rûz-nâme ve takvîm hisâbında târîh-i Rûmî-yi İskenderîde teşrîn-i sânîden dört otuzar gün ve şubat üç sene-i basîtada yirmi sekizer olup dördüncü senede yirmi dokuz olup bir gün ziyâde olur. O yevm zâ΄ide ve o seneye de kebîse ıtlâk olunur. Mü΄ellif وَالسَّنَةُ الْكَبِيسَةُ الَّتِي يُسْرَقُ مِنْهَا يَوْمٌ وَذَلِكَ فِي كُلِّ أَرْبَعِ سِنِينَ ʹibâretiyle beyân eylemekle burada اَلَّتِي يُسْرَقُ مِنْهَا nüshaları galattır, savâb olan لَهَا olmaktır, meğer مِنْ lafzı lâm maʹnâsıyla te΄vîl ola.
اَلْكَبِيسَةُ [el-kebîset] (kâf’ın fethi ve bâ’nın kesri ve meddiyle) Şol yıldır ki onda bir gün nâkıs gelir. Ve bu dört yılda bir vâkiʹ olur.
Sitemizde detaylı hızlı ve kolay arama ekranı