Kamus-ı Muhit - المش maddesi

اَلْمَشُّ [el-meşş] (mîm’in fethi ve şîn’in teşdîdiyle) Dârû makûlesi nesneyi su mislli nesne içre tuz gibi eriyince kadar karıştırmak maʹnâsınadır; yukâlu: مَشَّ الشَّيْءَ مَشًّا مِنَ الْبَابِ اْلأَوَّلِ إِذَا خَلَطَهُ حَتَّى يَذُوبَ Ve eli zefîrden ve bulaşıktan pâk eylemek için bir nesne ile silmek maʹnâsınadır; yukâlu مَشَّ يَدَهُ إِذَا مَسَحَهَا بِشَيْءٍ لِتَنْظِيفِهَا وَقَطْعِ دَسَمِهَا Ve husûmet eylemek maʹnâsınadır; yukâlu: مَشَّ فُلاَنًا إِذَا عَادَاهُ Ve kemiğin uçlarını ağza alıp sormak maʹnâsınadır; yukâlu: مَشَّ الْعَظْمَ إِذَا مَصَّ أَطْرَافَهُ Ve bir kimsenin mâlını ceste ceste sağıp almak maʹnâsınadır; yukâlu: مَشَّ مَالَ فُلاَنٍ إِذَا أَخَذَهُ شَيْئًا بَعْدَ شَيْءٍ Ve nâkanın sütünün bir mikdârını sağıp bir mikdârını memede alıkomak maʹnâsınadır; مَشَّ النَّاقَةَ إِذَا حَلَبَ بَعْضَ لَبَنِهَا وَتَرَكَ بَعْضَهُ فِي الضَّرْعِ Ve

مَشٌّ [meşş] هَشٌّ [heşş] lafzına itbâʹ olur ki tayyib ve latîf demektir; yukâlu: أَطْعَمَهُ هَشًّا مَشًّا أَيْ طَيِّبًا

Vankulu Lugatı - المش maddesi

اَلْمَشُّ [el-meşş] (mîm’in fethi ve şîn’in teşdîdiyle) Bir nesne ile el silmeğe derler, eli pâk etmek için; yukâlu: مَشَّ يَدَهُ يَمُشُّهَا إِذَا مَسَحَهَا بِشَيْءٍ لِيُنَظِّفَهَا ve Aṡmaʹî eyitti: مَشٌّ [meşş] bir ayrı nesne ile silmektir, yağın izâle etmek için. Ve

مَشٌّ [meşş] Nâkayı sağıp memesinde bir mikdâr süt alıkomağa dahi derler; yukâlu: مَشَشْتُ النَّاقَةَ إِذَا حَلَبْتَهَا وَتَرَكْتَ فِي ضَرْعِهَا بَعْضَ اللَّبَنِ