بَرَهُوتُ [Berehût] (جَمَلُون [cemelûn] vezninde) Yemen’de Ḩaḋramevt türâbında bir vâdî yâhûd bir kuyunun adıdır. Mütercim der ki Nihâye’de “شَرُّ بِئْرٍ فِي اْلأَرْضِ بَرَهُوتُ” hadîsinin şerhinde bu vechile mersûmdur ki بَرَهُوتُ [berehût] bâ’nın ve râ’nın fethiyle Ḩaḋramevt diyârında bir bi΄r-i ʹamîkadır ki kaʹrına nüzûl mümkin değildir. Ve bunda bâ’nın zammıyla da lügattir. Lügat-ı evvele göre bâ΄ zâ΄ide olur ki arz-ı münhafida yâhûd menbaʹ-ı mâ΄ maʹnâsına olan rehv olur ve sânîye göre bâ΄ asliyye olur.
بَرَهُوتُ [Berehût] (bâ’nın ve râ’nın fethi ve hâ’nın zammı ve meddi ile رَهَبُوتٌ [rehebût] vezni üzere) Ḩaḋramevt nâm yerde bir kuyunun ismidir ki ervâh-ı küffâr ondadır derler, Aṡmaʹî rivâyeti üzere. Ve
رَهَبُوتٌ [rehebût] Hâ΄if maʹnâsınadır; tâ âhirinde zâ΄iddir. Ve بُرْهُوتٌ [burhût] dahi rivâyet olunur bâ’nın zammı ve râ’nın sükûnuyla سُبْرُوتٌ [subrût] vezni üzere. Ve fi’l-hadîsi: “خَيْرُ بِئْرٍ فِي الْأَرْضِ زَمْزَمُ وَشَرُّ بِئْرٍ فِي الْأَرْضِ بَرَهُوتُ” Ve سُبْرُوتٌ [subrût] sîn-i mühmele ile ve râ’nın zammıyla otsuz yere derler; âhirinde olan tâ aslîdir.
Sitemizde detaylı hızlı ve kolay arama ekranı