Kamus-ı Muhit - حسين maddesi

حَسِينَةُ [Ḩasînet] (خَدِيجَةُ [ḣadîcet] vezninde) ve

حُسَيْنَةُ [Ḩuseynet] (جُهَيْنَةُ [cuheynet] vezninde) ve

مُحَاسِنٌ [Muḩâsin] (مُزَاحِمٌ [muzâḩim] vezninde) ve

مُحَسَّنٌ [Muḩassen] (مُعَظَّمٌ [muʹażżam] vezninde) ve

مُحْسِنٌ [Muḩsin] (مُعْلِنٌ [muʹlin] vezninde) ve

حَسِينٌ [Ḩasîn] (أَمِيرٌ [emîr] vezninde) Esâmîdendir. Ve

حُسَيْنَةُ [Ḩuseynet] (جُهَيْنَةُ [cuheynet] vezninde) ʹAbdulmelik b. Mervân’ın mürcilesi olan hatunun ismidir. Ve Ḩuseyne b. el-Maʹrûr, tahdîs eyledi.

اَلْحَسَنُ [el-Ḩasen] (fethateynle) ve

اَلْحُسَيْنُ [el-Ḩuseyn] (musaggar bünyesiyle) İki cebel yâhûd iki uzun kumsal adıdır. حَسَنٌ [Ḩasen] dediklerinin yanında Bisṯâm b. Ḵays medfûndur. Cemʹ olundukta taglîben حَسَنَانِ [Ḩasenân] denir. Ve

حَسَنٌ [Ḩasen] ve

حُسَيْنٌ [Ḩuseyn] Ṯayyi΄ kabîlesinden iki batndır. Ve esmâ-i ricâldendir. Ve

حَسَنٌ [ḩasen] (fethateynle) Mutlakan zâtında hüsnle muttasıf hûb ve pesendîde şey΄e denir. Ve Endelus’te bir hisâr adıdır. Ve Yemâme’de bir karyedir. Ve bir hoş-manzar şecer adıdır ki أَلاَءٌ [elâ΄] dedikleri şecer olacaktır. Ve kolda dirsekten ötecede olan karaca kemiğine denir; bunda zammla da lügattir. Ve yüksek kum yığınına denir.

Vankulu Lugatı - حسين maddesi

اَلْحَسَنُ [el-Ḩasen] ve

اَلْحُسَيْنُ [el-Ḩuseyn] (ḩâ’nın evvelde fethi ve sânîde zammı ve sîn’lerin fethiyle) Emîrü’l-mü΄minîn ʹAlî’nin oğulları radıyallâhu ʹanhum. Ve

حُسَيْنٌ [Ḩuseyn] Ṯayyi΄ kabîlesinden iki cemâʹatin adıdır. Ve

حُسَيْنٌ [Ḩuseyn] ve

حَسَنٌ [Ḩasen] Benî Saʹd’a mensûb bir kumun dahi adıdır, remle-i mahsûsa maʹnâsına ki Ebû’ṡ-Ṡahbâ΄ onda katl olunmuştur. Ve onun kâtili ʹÂṡım b. Ḩalîfe’dir. Ve Muberred eyitti: Zikr olunan kumlar iki yığın kumdur ki onda nevʹ-i istitâlet vardır, yaʹnî yığınları müdevver değildir.