ذُو الْقُرُوحِ [Žu’l-Ḵurûḩ] Şuʹarâ-yı Câhiliyye’den meşhûr İmru΄ulḵays b. Ḩucr’un lakabıdır. Mersûmun pederi katl olundukta istimdâd için Ḵayṡer-i Rûm’a ilticâ edip o dahi hüsn-i riʹâyetle bir müddet yanında ibkâ ve niyâzına müsâʹade ile diyârına ircâʹ eyledi. ʹAkibinden baʹzı hussâdın ifsâdına mebnî Ḵayṡer mütegayyir olmakla ensesinden bir mesmûm hilʹat irsâl ve ilbâs eylemekle semmin te΄sîrinden vücûdunda قُرْحَةٌ [ḵurḩat]lar hâdis olup müte΄essiren fevt olmakla ʹilleti hılâlinde ذُو الْقُرُوحِ [Žu’l-Ḵurûḩ] ile mülakkab oldu. Şârih der ki Suyûṯî rivâyetine göre İmru΄ulḵays, ذُو الْفُرُوجِ [Žu’l-Furûc] ile mülakkabdır ki fâ΄ ve cîm’ledir, aslâ erkek evlâdı olmayıp mecmûʹu kız evlâdı olduğuna mebnî mülakkab olmuştur. ذُو الْقُرُوحِ [Žu’l-Ḵurûḩ] ذُو الْفُرُوجِ [Žu’l-Furûc] musahhafıdır.
ذُو الْقُرُوحِ [Žu’l-Ḵurûḩ] İmru΄ulḵays dedikleri şâʹirin lakabıdır. Ve ذُو الْقُرُوحِ [Žu’l-Ḵurûḩ] denmeğe bâʹis budur ki Rûm pâdişâhı, İmru΄ulḵays’a bir zehr-nâk gömlek gönderdi, onu giymekle bedeninde çıbanlar peydâ olup helâk oldu, onun için ذُو الْقُرُوحِ [Žu’l-Ḵurûḩ] dediler.
Sitemizde detaylı hızlı ve kolay arama ekranı