اَلْفِرْعَوْنُ [el-firʹavn] (بِرْذَوْنٌ [birževn] vezninde) Timsâh dedikleri cânvere denir. Fârisîde neheng derler. Ve harf-i taʹrîften mücerred olarak Velîd b. Muṡʹab nâm melik-i Mıṡr’ın lakabıdır ki Hazret-i Mûsâ ʹaleyhi’s-selâm onun Mûsâ’sıdır. Ve
فِرْعَوْنُ [Firʹavn] Ḣıḋr ʹaleyhi’s-selâmın pederi yâhûd oğlunun ismidir. Ve bunu Nakkâş ve Tâcu’l-Ḵurrâ΄ ʹaleyhime’r-rahme kendi tefsîrlerinde hikâyet eylediler. Ve
فِرْعَوْنُ [firʹavn] Mutlakan memleket-i Mıṡr’da pâdişâh olan kimsenin lakabıdır, kayser-i Rûm ve şâh-ı Îrân gibi her pâdişâh-ı Mıṡr’a lakab idi. Ve baʹzılar dedi ki فِرْعَوْنُ [firʹavn] ʹutüvv ve tugyân sâhibi mütemerrid ve müteşeddid adama denir. Ve bunda iki lügat dahi vardır: biri زُنْبُورٌ [zunbûr] vezninde ve biri fâ’nın zammı ve ʹayn’ın fethiyledir. Şârihin beyânına göre فِرْعَوْنُ [firʹavn] lafzı Ḵıbṯiyye yâhûd ʹİbriyye’dir, ʹArab ahz eylemiştir. Mütercim der ki فِرْعَوْنُ [firʹavn] lügat-i ʹİbriyyede mutaʹassıb ve mütekebbir maʹnâsınadır. Cemʹi فَرَاعِنَةُ [ferâʹinet]tir.
فِرْعَوْنُ [Firʹavn] (fâ’nın kesri ve ʹayn’ın fethi ve râ’nın ve vâv’ın sükûnuyla) Velîd b. Muṡʹab nâm kimsenin lakabıdır ki melik-i Mıṡr olmuştur. Ve her mütemerrid olup dalâlet üzere olana فِرْعَوْنٌ [firʹavn] derler.
Sitemizde detaylı hızlı ve kolay arama ekranı