لَاجَرَمَ [lâ cereme] (fethateynle ve âhirin fethiyle) Bunda birkaç lügat dahi vardır:لَا ذَا جَرَمَ ve لَا أَنْ ذَا جَرَمَ [lâ en zâ cereme] أَنْ [en]-i meftûha ile ve لَا عَنْ ذَا جَرَمَ ve لَا جَرَ [lâ cere] hazf-ı mîm’le ve لَا جَرُمَ [lâ cerume] râ’nın zammıyla كَرُمَ vezninde ve لَا جُرَمَ [lâ cureme] cîm’in zammıyla.Bunların mecmûʹu لَا بُدَّ maʹnâsınadır ki çâresiz ve zarûrî demektir, ʹalâ-kavlin حَقًّا [ḩaḵḵan] maʹnâsınadır yâhûd لَا مَحَالَةَ[lâ meḩâlet] maʹnâsınadır ki şübhesiz ve elbette demektir. Ve ʹinde’l-baʹz asl maʹnâsı budur.Kesret-i istiʹmâlle bir dereceye vardı ki kasem makâmında müstaʹmel oldu, onun için kasem cevâbı gibi bunun da cevâbına lâm idhâl edip meselâ لَا جَرَمَ لَآتِيَنَّكَ dediler. Şârihin beyânına göre katʹ maʹnâsından me΄hûzdur ki fi’l-asl onu kesmek ve ondan kesilmek yoktur demektir, baʹdehu lâzımı olan maʹnâ-yı mezbûrda istiʹmâl olundu.
لَاجَرَمَ [lâ cereme] (fethateynle ve âhirinin feth üzere binâsı ile) Ferrâ eyitti: Bu bir kelimedir ki aslında لَا بُدَّ ve لَا مَحَالَةَ maʹnâsınadır, vaktâ ki bu maʹnâda istiʹmâli kesîr olduysa maʹnâ-yı kaseme tahavvül etti ve حَقًّا menzilesine nâzil oldu. Bu eclden cevâbına lâm dâhil oldu, nitekim cevâb-ı kaseme lâm dâhil olur.
Sitemizde detaylı hızlı ve kolay arama ekranı