Kamus-ı Muhit - نجد maddesi

نَجْدٌ [necd] Yüksek olarak açık ve işlek yola denir; yukâlu: أَخَذَ النَّجْدَ أَيِ الطَّرِيقَ الْوَاضِحَ الْمُرْتَفِعَ Ve maʹnâ-yı evveldendir ki ʹArablar هُوَ طَلاَّعُ أَنْجُدٍ وَطَلاَّعُ أَنْجِدَةٍ وَطَلاَّعُ نِجَادٍ وَطَلاَّعُ النِّجَادِ derler, ضَابِطٌ لِلْأُمُورِ غَالِبٌ maʹnâsına. Niteki merâtib-i ʹâliye ve umûr-ı sâmiyeye ʹurûc eden adama طَلاَّعُ الثَّنَايَا [ṯallâʹu’šamp;-šamp;enâyâ] ıtlâk ederler. Ve

نَجْدٌ [necd] Hânenin medâr-ı zîneti ve bâʹis-i rifʹati olacak döşeme ve minder ve mikʹad ve yastık makûlesi emtiʹaya ıtlâk olunur. Cemʹi نُجُودٌ [nucûd] gelir ve نِجَادٌ [nicâd] gelir nûn’un kesriyle. Ve

نَجْدٌ [necd] Hâzık ve mâhir kılavuza denir. Ve ağaç kısmından ʹârî olan mekâna denir. Ve

نَجْدٌ [necd] Masdar olur, hasma galebe eylemek maʹnâsına; yukâlu: نَجَدَهُ الرَّجُلُ نَجْدًا مِنَ الْبَابِ الثَّانِي إِذَا غَلَبَهُ Ve

نَجْدٌ [necd] شُبْرُمٌ [şubrum] yaʹnî ağaç sütleğeni dedikleri şecere şebîh bir şecer adıdır. Ve Yemen ülkesinin nihâyetinde bilâd-ı Mehre’den bir arz-ı mahsûsa ismidir. Ve

نَجْدٌ [necd] Şol dilîr ve bahâdıra denir ki sâ΄irlerin ʹâciz oldukları emr-i saʹb u ʹazîme cerî ve nâfiz ve muktedir ola; yukâlu: هُوَ نَجْدٌ أَيْ شُجَاعٌ مَاضٍ فِيمَا يَعْجَزُ غَيْرُهُ Ve gam ve gussa ve endûh maʹnâsınadır. Ve masdar olur; pek terlemek maʹnâsına; yukâlu: نَجَدَ الْبَدَنُ عَرَقًا مِنَ الْبَابِ الْمَزْبُورِ إِذَا سَالَ Ve

نَجْدٌ [necd] Memeye denir, ثَدْيٌ [šamp;edy] maʹnâsına.

Vankulu Lugatı - نجد maddesi

اَلنَّجْدُ [en-necd] (nûn’un fethi ve cîm’in sükûnuyla) Yüksek olan yer. Ve yüksek yol. Ve şol nesne ki onunla evi zînet ederler kıymetli metâʹlardan. Ve

نَجْدٌ [necd] Maslahatın tîz gören kimseye dahi derler; yukâlu: رَجُلٌ نَجْدٌ فِي الْحَاجَةِ إِذَا كَانَ نَاجِيًا فِيهَا أَيْ سَرِيعًا Ve

نَجْدٌ [necd] Bahâdır maʹnâsına da gelir. Ve galebe maʹnâsına da gelir; yukâlu: نَجَدْتُ الرَّجُلَ أَنْجُدُهُ إِذَا غَلَبْتَهُ