اَلْأَعْرَمُ [el-aʹrem] (أَحْمَرُ [aḩmer] vezninde) عُرْمَةٌ [ʹurmet]li koyuna denir; mü΄ennesi عَرْمَاءُ [ʹarmâ΄]dır; yukâlu: ضَأْنٌ أَعْرَمُ وَنَعْجَةٌ عَرْمَاءُ إِذَا كَانَ بِهِ عُرْمَةٌ Cemʹi عُرْمٌ [ʹurm] gelir ʹayn’ın zammıyla. Ve
عُرْمٌ [ʹurm] Bağırtlak kuşunun yumurtalarına denir, aklı karalı hurde hurde benekli olduğu için. Ve
أَعْرَمُ [aʹrem] Mutlakan iki renkli nesneye denir. Ve abraş hayvâna denir. Ve koyun ile keçi karışık sürüye denir. Ve hitânsız adama denir; cemʹi عِرْمَانٌ [ʹirmân]dır ʹayn’ın kesriyle ve cemʹü’l-cemʹi عَرَامِينُ [ʹarâmîn]dir.
اَلْأَعْرَمُ [el-aʹrem] (hemzenin ve râ’nın fethiyle) Şol nesnedir ki onda sevâd ve beyâz ola. Ve
أَعْرَمُ [aʹrem] Şol sürüye derler ki koyun ile keçi karışık ola; yukâlu: قَطِيعٌ أَعْرَمُ إِذَا كَانَ ضَأْنًا وَمِعْزًى
Sitemizde detaylı hızlı ve kolay arama ekranı