اَلْغِمَامَةُ [el-ġimâmet] (كِتَابَةٌ [kitâbet] vezninde) Şol torba makûlesine denir ki ʹaleften menʹ için onunla devenin ve sâ΄ir davarın ağızlarını bururlar. Ve nâkanın gözlerini yâ burnunu bağlayacak bağa ve sargıya denir. Ve çocuğun hıtân yerinin derisine denir; bunda ġayn’ın zammıyla da lügattir.
اَلْغَمَامَةُ [el-ġamâmet] سَحَابَةٌ [seḩâbet] vezninde ve mürâdifidir, ʹalâ-kavlin beyâz buluta denir; cemʹi غَمَامٌ [ġamâm] ve غَمَائِمُ [ġamâ΄im]dir. Ve Ebû Dâvûd el-İyâdî nâm kimsenin yâhûd baʹzı mülûk-i Âlu Munžir’in feresi ismidir. Ve
غَمَامٌ [Ġamâm] Caʹfer-i Ṯayyâr’ın kılıcı ismidir.
اَلْغِمَامَةُ [el-ġimâmet] (ġayn’ın kesri ile) Şol nesnedir ki onunla davarın ağzın bağlarlar.
اَلْغَمَامَةُ [el-ġamâmet] (ġayn’ın fethiyle) Vâhidi, bir pâre bulut maʹnâsına.
Sitemizde detaylı hızlı ve kolay arama ekranı