الرُّتُوءُ [er-rutû΄] (tâ-yı fevkiyye ile قُعُودٌ [ḵuʹûd] veznindedir) Düğümü muhkem çekip bağlamak maʹnâsınadır; yukâlu: رَتَأَ الْعُقْدَةَ رُتُوءًا مِنَ الْبَابِ الثَّالِثِ إِذَا شَدَّهَا Ve boğmak maʹnâsınadır; yukâlu: رَتَأَ فُلاَنًا إِذَا خَنَقَهُ Ve ikâmet eylemek maʹnâsınadır; yukâlu: رَتَأَ الرَّجُلُ إِذَا أَقَامَ Ve bir semte gitmek maʹnâsınadır; yukâlu: رَتَأَ زَيْدٌ إِذَا انْطَلَقَ Ve taʹâmla ciğerin cûʹunu teskîn eylemek maʹnâsınadır; yukâlu: مَا رَتَأَ كَبِدَهُ الْيَوْمَ بِطَعَامٍ أَيْ مَا أَكَلَ شَيْئًا يُسَكِّنُ جُوعَهُ Bu maʹnâ da hasâ΄istendir; yaʹnî كَبِدٌ [kebid]in gayrıda istiʹmâl olunmaz; misâl-i mezbûrde كَبِدَهُ lafzı mefʹûliyyet üzere mansûbdur.
Sitemizde detaylı hızlı ve kolay arama ekranı