اَلرَّحَيَانِ [er-reḩayân] (fethateynle) Tesniyesi. Cevherî eyitti: Şol kimse ki رَحًى [reḩâ]nın elifin memdûde kıldı ve tesniyesinde رَحَاآنِ [reḩâ΄ân] dedi ve اَلْأَرْحِيَةُ [el-erḩiyet] hemzenin fethi ve yâ’nın tahfîfi ile cemʹidir dedi عَطَاءٌ [ʹaṯâ΄] ile عَطَاءَانِ [ʹaṯâ΄ân] ve اَعْطِيَةٌ [aʹṯiyet] gibi رَحًا [reḩâ]nın elifin vâv’dan münkalib kılmak iʹtibâriyle, bilmezem ki o kimsenin hucceti nedirve bu kavlin sıhhatinin vechi nedir dedi. Yaʹnî bu tefsîrden murâd Cevherî’nin mahall-i inkârı elif vâv’dan maklûb olmak kavli olmadığın işʹârdır, zîrâ ʹan-karîb vâvî olmasın müşʹir kelâm gelir, inşâallâhu taʹâlâ, elifi memdûde kılmanın vechi nedir dedi.
Sitemizde detaylı hızlı ve kolay arama ekranı