اَلشَّجُّ [eş-şecc] (حَجٌّ [ḩacc] vezninde) Baş yarmak maʹnâsınadır; yukâlu: شَجَّ رَأْسَهُ شَجًّا مِنَ الْبَابِ اْلأَوَّلِ وَالثَّانِي إِذَا كَسَرَهُ Ve gemi giderken denizi yarmak maʹnâsına istiʹmâl olunur; yukâlu: شَجَّتِ السَّفِينَةُ الْبَحْرَ إِذَا شَقَّتْهُ Burada tezkîr ile شَقَّهُ nüshaları galattır. Ve katʹ-ı mesâfe ile yol almak maʹnâsına istiʹmâl olunur, gûyâ ki yarıp öte geçmiştir; yukâlu: شَجَّ الْمَفَازَةَ إِذَا قَطَعَهَا Ve şarâba su katmak maʹnâsına istiʹmâl olunur; gûyâ ki mezcle şarâbı şakk eylemiştir; yukâlu: شَجَّ الشَّرَابَ إِذَا مَزَجَهُ بِالْمَاءِ
اَلشَّجُّ [eş-şecc] (şîn’in fethiyle) Baş yarmak; yukâlu: شَجَّهُ يَشُجُّهُ وَيَشِجُّ شَجًّا مِنَ الْبَابِ الْأَوَّلِ وَالثَّانِي Ve
شَجٌّ [şecc] Gemi deryâyı yarmağa dahi derler; yukâlu: شَجَّتِ السَّفِينَةُ الْبَحْرَ إِذَا شَقَّتْهُ Ve sahrâyı katʹ etmeğe dahi derler; yukâlu: شَجَجْتُ الْمَفَازَةَ أَيْ قَطَعْتُهَا
Sitemizde detaylı hızlı ve kolay arama ekranı