اَلظَّنُونُ [eż-żanûn] (صَبُورٌ [ṡabûr] vezninde) Zaʹîf ve bî-mecâl adama ıtlâk olunur; yukâlu: رَجُلٌ ظَنُونٌ أَيْ ضَعِيفٌ Ve hîle ve re΄y ve tebdîri kalîl adama ıtlâk olunur; yukâlu: رَجُلٌ ظَنُونٌ أَيِ الْقَلِيلُ الْحِيلَةِ Ve şol hatuna denir ki şân ve şerefi olmakla herkes tezevvücüne hâhişger ola; yukâlu: إِمْرَأَةٌ ظَنُونٌ أَيْ لَهَا شَرَفٌ تُتَزَوَّجُ Ve şol kuyuya ıtlâk olunur ki suyu var mıdır yok mudur maʹlûm olmaya; yukâlu: بِئْرٌ ظَنُونٌ أَيْ لَا يُدْرَى أَفِيهَا مَاءٌ أَمْ لَا Ve suyu azca olan kuyuya ıtlâk olunur; yukâlu: بِئْرٌ ظَنُونٌ أَيِ الْقَلِيلَةُ الْمَاءِ Ve şol borca ıtlâk olunur ki alan adam edâ eder mi yoksa etmez mi maʹlûm olmaya; yukâlu: دَيْنٌ ظَنُونٌ إِذَا كَانَ لَا يُدْرَى أَيَقْضِيهِ آخِذُهُ أَمْ لَا
Sitemizde detaylı hızlı ve kolay arama ekranı