اَلْفَرِيضَةُ الْمُشَرَّكَةُ [el-ferîḋatu’l-muşerreket] (مُعَظَّمَةٌ [muʹażżamet] vezninde) Ve ona müştereke ve mes΄ele-i hımâriyye dahi ıtlâk olunur. Ve bu mîrâsa müteʹallik şol mes΄eleden ʹibârettir ki bir hatun fevt olup zevcini ve ümmünü ve ihvân li-ümm ve ihvân li-ebeveyni terk eylemekle ʹÖmer el-Fârûḵ radıyallâhu ʹanhu hazretlerinden keyfiyyet-i taksîmi su΄âl olundukta asl mes΄ele altıdan gelmekle nısfını zevce ve südüsünü ümme ve sülüsünü ihvân li-ümmihi verip ihvân li-ebeveyni mahrûm eyledikte mezbûrlar: “Yâ emîre’l-mü΄minîn, tutalım pederimiz hımâr imiş! Anamız bir değil midir?” dediler. Hazret-i ʹÖmer dahi tefekkür edip o sülüste onları teşrîk eylediler. Binâ΄enʹaleyh o mes΄eleye مُشَرَّكَةٌ [muşerreket] ve مُشْتَرَكَةٌ [muştereket] ve حِمَارِيَّةٌ [ḩimâriyyet] ıtlâk olundu.
Sitemizde detaylı hızlı ve kolay arama ekranı