اَلْقَرَنْفُلُ [el-ḵaranful] ve
اَلْقَرَنْفُولُ [el-ḵaranfûl] (ḵâf’ların fethiyle) Bir cins şecerin yemişidir ki Hind ülkesinin aşağı taraflarında bilâd-ı Çîn’e mücâvir olan sevâhilde nâbit olur, efâvîh-i hârrenin atyeb ve ezkâsıdır; erkeği ve dişisi olur, erkeğinin ak çiçeği olur, semeri olmaz ve dişisinin semeri olur ve çiçeği erkeğinden ezkâ olur. Ve iki nevʹi dahi latîf ve aʹzâ-yı bâtıneye mü΄essir ve kalb ve dimâgı musaffî ve mukavvî ve hafakân ve zaʹf-ı basara ve gışâve ʹilletlerine nâfiʹ ve ağızda olan râyiha-i kerîheyi müzîl ve taʹâmı hâzımdır. Şârihin beyânına göre قَرَنْفُولٌ [ḵaranfûl]de vâv işbâʹiyyedir.
Sitemizde detaylı hızlı ve kolay arama ekranı