اَلْقَسْوَرَةُ [el-ḵasveret] (ḵâf’ın ve vâv’ın fethiyle) ʹAzîz ve gâlib ve zeber-dest adama denir; قَسْرٌ [ḵasr]den me΄hûzdur; yukâlu: هُوَ قَسْوَرَةٌ أَيْ عَزِيزٌ Ve arslana ıtlâk olunur; قَسْوَرٌ [ḵasver] dahi denir hâ’sız. Ve gecenin nısfına, ʹalâ-kavlin evveline yâhûd muʹzamına denir; yukâlu: مَضَى قَسْوَرَةُ اللَّيْلِ أَيْ نِصْفُهُ أَوْ أَوَّلُهُ أَوْ مُعْظَمُهُ Ve
قَسْوَرَةٌ [ḵasveret] Bir gûne nebât adıdır ki sehl yerlerde biter; deve ʹalefindendir. Cemʹ-i cinsi قَسْوَرٌ [ḵasver]dir. Ve
قَسْوَرَةٌ [ḵasveret] Güzel tîr-endâz olan mâhir sayyâda ıtlâk olunur; müfredi قَسْوَرٌ [ḵasver]dir. Ve nâsın asvât-ı hafiyyesine denir. Ve kavî ve zûr-mend civâna denir; yukâlu: شَابٌّ قَسْوَرَةٌ أَيْ قَوِيٌّ Ve bir recül adıdır.
Sitemizde detaylı hızlı ve kolay arama ekranı