اَلْقُشُوشُ [el-ḵuşûş] (قُعُودٌ [ḵuʹûd] vezninde) Kaht ve mihnet sebebiyle zaʹîf ve nahîf olduktan sonra vücûdları yerine gelip hoş-hâl olmak maʹnâsınadır; yukâlu: قَشَّ الْقَوْمُ قُشُوشًا مِنَ الْبَابِ اْلأَوَّلِ إِذَا صَلَحُوا بَعْدَ الْهُزَالِ Ve sofrada şuradan buradan alıp ekl eylemek maʹnâsınadır; yukâlu: قَشَّ الرَّجُلُ إِذَا أَكَلَ مِنْ هَهُنَا وَهَهُنَا Ve gedâ-çeşm kimse sofradan gücü yettiği taʹâmı ekmeğe dürüp kaldırmak maʹnâsınadır; yukâlu: قَشَّ الرَّجُلُ إِذَا لَفَّ مَا قَدَرَ عَلَيْهِ مِمَّا عَلَى الْخِوَانِ Ve biriktirmek maʹnâsınadır; yukâlu: قَشَّ الشَّيْءَ إِذَا جَمَعَهُ Ve davarı tîz tîz sağmak maʹnâsınadır; yukâlu: قَشَّ النَّاقَةَ إِذَا أَسْرَعَ حَلْبَهَا Ve kîr ve bulaşık makûlesi nesneyi el ile kazıyıp gidermek maʹnâsınadır; yukâlu: قَشَّ الشَّيْءَ إِذَا حَكَّهُ بِيَدِهِ حَتَّى يَتَحَاتِّ Ve zebûn ve mehzûl adamın yürüyüşü gibi yürümek maʹnâsınadır; yukâlu: قَشَّ الرَّجُلُ إِذَا مَشَى مَشْيَ الْمَهْزُولِ Ve halkın süprüntülüğe attıkları nesneyi yâhûd su΄âl ve sadakadan birikmiş ekmek kırıklarını ekl eylemek maʹnâsınadır; yukâlu: قَشَّ الرَّجُلُ إِذَا أَكَلَ مِمَّا يُلْقِيهِ النَّاسُ عَلَى الْمَزَابِلِ أَوْ أَكَلَ كِسَرَ الصَّدَقَةِ Ve ot kurumak maʹnâsınadır; yukâlu: قَشَّ النَّبَاتُ إِذَا يَبِسَ Ve halk sürʹatle göçüp gitmek maʹnâsınadır; yukâlu: قَشَّ الْقَوْمُ إِذَا انْطَلَقُوا فَجَفَلُوا
Sitemizde detaylı hızlı ve kolay arama ekranı