اَلْكُرْنُبُ [el-kurnub] (nûn’la قُنْفُذٌ [ḵunfuž] vezninde) ve
اَلْكَرْنَبُ [el-kerneb] (سَمَنْدٌ [semend] vezninde) سِلْقٌ [silḵ] ismidir; ʹalâ-kavlin pek lezzetli nevʹine denir; ʹalâ-kavlin قُنَّبِيطٌ [ḵunnebîṯ] yaʹnî tahrîfle قَرَنْبِيطٌ [ḵaranbît] taʹbîr olunan sebzenin tâzesine denir; bostânî ve berrî olur. Berrî nevʹi merâretli olur, kurutulmuş kökünün meshûkundan iki dirhemini şarâbla mezc ve istiʹmâl, efʹâ ledgına tiryâk-i mücerrebdir. Maʹlûm ola ki cemîʹ-i müfredâtta سِلْقٌ [silḵ] sîn’in kesriyle Türkîde pazı dedikleri sebze ile müfesserdir ve كَرْنَبٌ [kerneb] lahana ile mübeyyendir ki Fârisîde kelem derler. Bostânî ve berrî ve bahrî nevʹi olur ki merâretinden bahrî ıtlâk eylemişlerdir ve berrî kısmına Türkîde alabaş taʹbîr olunur. Şârih dahi mü΄ellifin bu resme beyânını tahti΄e eylemiştir.
Sitemizde detaylı hızlı ve kolay arama ekranı