Kamus-ı Muhit - زند maddesi

زَنَدٌ [Zened] (fethateynle) Bir mevziʹ adıdır. Ve

زَنَدٌ [zened] دُرْجَةٌ [durcet]e denir ki nâkanın cevfine soktukları kundaktır, niteki mâddesinde beyân olundu. Ve

زَنَدٌ [zened] Masdar olur, susamak maʹnâsına; yukâlu: زَنِدَ الرَّجُلُ زَنَدًا مِنَ الْبَابِ الرَّابِعِ إِذَا عَطِشَ

Şârih der ki serçe parmak cânibinden olana كُوعٌ [kûʹ] ve baş parmak tarafında olan كُرْسُوعٌ [kursûʹ] ve mecmûʹuna زَنْدٌ [zend] derler ve oraya bilekçe taʹbîr olunur. Ve bileğe سَاعِدٌ [sâʹid] denir. İntehâ. Ve

زَنْدٌ [zend] مَرْخٌ [merḣ] ve عَفَارٌ [ʹafâr] nâm şecerlerden ehl-i bâdiyenin düzdükleri çakmağa denir ki iki dâne olur. Üstündeki gûyâ erkek ve altındaki dişi olur, birbirine sürerek âteş çıkarırlar. Üstünde olana زَنْدٌ [zend] ve altında olana زَنْدَةٌ [zendet] derler ve ikisine زَنْدَتَانِ denmez, yaʹnî زَنْدَانِ [zendân] denir ki müzekker taglîb olunur. Cemʹi زِنَادٌ [zinâd] gelir zâ’nın kesriyle ve أَزْنُدٌ [eznud] gelir, أَفْلُسٌ [eflus] [vezninde] ve أَزْنَادٌ [eznâd] gelir. Ve ʹArablar bir husûsta kendisine yârî ve muʹâvenetle işinin husûl-pezîr olmasına bâʹis olan adama وَرَتْ بِكَ زِنَادِي derler. Ve

زَنْدٌ [zend] Bir dikenli ağaç ismidir. Müfredâtta şecer-i gâr ile mübeyyendir ki defne ağacı olacaktır. Ve

زَنْدٌ [Zend] Buḣârâ kazâsında bir karyedir; muhaddisînden Aḩmed b. Muḩammed b. Ḩamdân b. ʹÂzim ez-Zendî oradandır ve sevb-i Zendenîcî dedikleri bez oradan çıkar. Ve

زَنْدٌ [Zend] Necd bilâdında bir dağın adıdır. Ve esâmî-i ricâldendir: Zend b. el-Cevn meşhûr edîb ve şâʹir Ebû Dulâme’nin ismidir.

Vankulu Lugatı - زند maddesi

اَلزَّنْدُ [ez-zend] (zâ’nın fethi ve nûn’un sükûnuyla) Kolun ayaya buluştuğu yer ki bilek demek olur. Ve bu dahi iki kısmdır: birine كُوعٌ [kûʹ] derler kâf’ın zammıyla ve birine dahi كُرْسُوعٌ [kursûʹ] derler kezâlik kâf’ın ve sîn-i mühmelenin zammıyla. Ve كُوعٌ [kûʹ] serçe parmaktan cânibe olandır ve كُرْسُوعٌ [kursûʹ] baş parmaktan cânibe olandır. Ve

زَنْدٌ [zend] Şol iki ağacın birine derler ki onlarla od çıkarırlar ki زَنْدٌ [zend] yukarıda olan ağaçtır.