زَمَخْشَرُ [Zemaḣşer] (şîn-i muʹceme ile سَفَرْجَلٌ [sefercel] vezninde) Ḣârezm ülkesi nevâhîsinde bir kasaba adıdır. Bir aʹrâbî kasaba-i mezbûreye uğrayıp bir kimseye kasabanın ve vâlîsinin isimlerini su΄âl eyledikte kasabanın ismi Zemaḣşer ve vâlîsinin ismi Reddâd olduğunu ihbâr eylemekle aʹrâbî “لاَ خَيْرَ فِي شَرٍّ وَرَدٍّ” diyerek kasabaya girmeyip semt-i âhere munsarıf oldu. Vasf ve şöhreti şems-i nehâr-âsâ cihân-gîr olan Cârullâh Ebu’l-Ḵâsim Maḩmûd b. ʹÖmer ez-Zemaḣşerî ona mensûbdur. Müşârünileyh medhinde Emîr-i Mekke ʹAlî b. ʹÎsâ b. Vehhâs el-Ḩasanî inşâd eylediği kasîde cümlesinden işbu iki beyt-i dil-pezîr bu mahalle tahrîr olundu:
Sitemizde detaylı hızlı ve kolay arama ekranı