Kamus-ı Muhit - التكرار maddesi

اَلْكَرُّ [el-kerr] (kâf’ın fethi ve râ’nın teşdîdiyle) ve

اَلْكُرُورُ [el-kurûr] (غُرُورٌ [ġurûr] vezninde) ve

اَلتَّكْرَارُ [et-tekrâr] (تَذْكَارٌ [težkâr] vezninde) Bir nesneden baʹde’r-rücûʹ müceddeden üzerine meyl ve teveccüh edip sür salmak maʹnâsınadır; yukâlu: كَرَّ عَلَيْهِ كَرًّا وَكُرُورًا وَتَكْرَارًا مِنَ الْبَابِ اْلأَوَّلِ إِذَا عَطَفَ وَعَنْهُ رَجَعَ Mü΄ellifin ʹâdeti üzere maʹtûf ve maʹtûfün ʹaleyh üzere müterettebdir, niteki cenkte mübârizler düşman üzere hücûm edip ellerindeki silâhı attıktan sonra geri ʹaskeri tarafına rücûʹ edip baʹdehu müceddeden hamle eylemek ve kaçamak gösterdikten sonra dönmek gibi. Kâle fi’l- : كَرَّ الْفَارِسُ إِذَا فَرَّ لِلْجَوَلاَنِ ثُمَّ عَادَ لِلْقِتَالِ Ve

كَرٌّ [kerr] Lîften yâhûd hurmâ dallarının kabuğundan örülmüş bağa denir. Ve bu fi’l-asl masdardır, ism olmuştur, o bağ kat kat örüldüğü için tesmiye olunmuştur. Ve şol ipten kemende denir ki onunla hurmâ ağacına suʹûd olunur. ʹAlâ-kavlin halat taʹbîr olunan kalın ipe denir yâhûd her gûne ipe denir. Ve şol ip ve kayış makûlesi bağa denir ki pâlânın iki tarafından eteklerini devşirip biriktirmek için çekilir. Ve

كَرٌّ [kerr] Kuyuya denir; bunda kâf’ın zammıyla da câ΄izdir. Ve eşme taʹbîr olunan hurde ve yakın kuyuya denir. ʹAlâ-kavlin şol mevziʹe denir ki onda su durulmak için irkilir ola. Cemʹi كِرَارٌ [kirâr]dır kâf’ın kesriyle. Ve

كَرٌّ [kerr] Şol mendile denir ki onu seccâde edip üzerinde edâ-yı namâz ederler. Cemʹi أَكْرَارٌ [ekrâr] ve كُرُورٌ [kurûr] gelir.

Vankulu Lugatı - التكرار maddesi

اَلتَّكْرِيرُ [et-tekrîr] (ʹalâ-vezni اَلتَّكْرِيم [et-tekrîm]) ve

اَلتَّكْرَارُ [et-tekrâr] (tâ’nın fethi ve kâf’ın sükûnuyla) Bir nesneyi mükerrer kılmak; yukâlu: كَرَّرْتُ الشَّيْءَ تَكْرِيرًا وَتَكْرَارًا Ebû Saʹîd eḋ-Ḋirrîr eyitti: Ebî ʹAmr’a تِفْعَالٌ [tifʹâl]le تَفْعَالٌ [tefʹâl]in beyninde fark nedir dedim yaʹnî tâ meksûr olmasıyla meftûh olmasının farkın su΄âl ettikte, eyitti: تِفْعَالٌ [tifʹâl] tâ’nın kesriyle ismdir ve تَفْعَالٌ [tefʹâl] tâ’nın fethiyle masdardır.