اَلسَّرِسُ [es-seris] (كَتِفٌ [ketif] vezninde) ve
اَلسَّرِيسُ [es-serîs] (أَمِيرٌ [emîr] vezninde) ʹİnnîn adama, ʹalâ-kavlin aslâ nisvâna takarrüb eylemez olana yâhûd veledi olmaz olana denir. Nisvâna ʹadem-i takarrübü bir ʹilletten yâhûd ʹadem-i mahzûziyyet makûlesi hâlâttan olur; yukâlu: رَجُلٌ سَرِسٌ وَسَرِيسٌ أَيْ عِنِّينٌ أَوِ الَّذِي لاَ يَأْتِي النِّسَاءَ أَوْ مَنْ لاَ يُولَدُ لَهُ Ve şol aygıra denir ki aştığını gebe kılmaz ola; yukâlu: فَحْلٌ سَرِسٌ وَسَرِيسٌ إِذَا كَانَ لاَ يُلْقَحُ Ve zaʹîf ve nâ-tüvân adama denir; yukâlu: رَجُلٌ سَرِسٌ وَسَرِيسٌ أَيْ ضَعِيفٌ Ve şol zîrek ve hûş-mend adama denir ki elinde olan mâlı hıfz edip telef eylemez ola. Cemʹi سِرَاسٌ [sirâs] gelir sîn’in kesriyle ve سُرَسَاءُ [suresâ΄] gelir, كُرَمَاءُ [kuremâ΄] vezninde; yukâlu: رَجُلٌ سَرِسٌ وَسَرِيسٌ أَيْ كَيِّسٌ حَافِظٌ لِمَا فِي يَدَيْهِ
اَلسَّرِيسُ [es-serîs] (sîn’in fethi ve râ’nın kesri ve meddiyle) Şol kimsedir ki ʹavret tâ΄ifesine cimâʹa kâdir olmaya. Ebû ʹUbeyde eyitti: O عِنِّينٌ [ʹinnîn] dedikleridir. Ve
سَرِيسٌ [serîs] Şol erkeğe derler ki dişisin yüklü kılmaya.
Sitemizde detaylı hızlı ve kolay arama ekranı