اَلْعَرِيفُ [el-ʹarîf] (أَمِيرٌ [emîr] vezninde) مَعْرِفَةٌ [maʹrifet]ten vasftır ki bilgiç taʹbîr olunan merd-i dânâya denir. Ve kendi kavminin ricâl ve ahvâl ve efʹâllerini bilmeğe muʹayyen ve muhassas olan kimseye ıtlâk olunur; cemʹi عُرَفَاءُ [ʹurefâ΄] gelir; yukâlu: هُوَ عَرِيفُهُمْ أَيْ يَعْرِفُ أَصْحَابَهُ Ve bir kavmin re΄îsine ıtlâk olunur, riyâsetle bilindiği için, ʹalâ-kavlin kavmin nakîbine denir ki pâyesi re΄îsten dûn olur, umûr u mesâlih-i kavmi o rü΄yet ve temşît edip ve iktizâ eden mühimme-i ʹazîmede re΄îse mürâcaʹat eder; kavmin söz sâhibi ve kethüdâsı olacaktır; yukâlu: هُوَ عَرِيفُ الْقَوْمِ أَيْ رَئِيسُهُمْ أَوْ نَقيبُهُمْ وَهُوَ دُونَ الرَّئِيسِ Şârih der ki ʹArab kâʹidesi üzere ser-gerdeleri ki أَمِيرٌ [emîr]dir, ondan aşağıca kâr-güzârlarına نَقِيبٌ [naḵîb] ve مَنْكِبٌ [menkib] ve ondan aşağıcasına عَرِيفٌ [ʹarîf] ıtlâk olunur. Ve
عَرِيفٌ [ʹArîf] Esmâdandır: ʹArîf b. Serîʹ ve ʹArîf b. Mâzin tâbiʹîlerdir. Ve ʹArîf b. Cuşem şâʹir ve fâristir. Ve İbnu’l-ʹArîf Ebu’l-Ḵâsim Ḩuseyn b. el-Velîd el-Endelusî nahvî şâʹirdir.
اَلْعَرِيفُ [el-ʹarîf] (ʹayn’ın fethi ve râ’nın kesri ve meddiyle) Bilici maʹnâsınadır, عَلِيمٌ [ʹalîm] gibi. Ve
عَرِيفٌ [ʹarîf] Nakîbe dahi derler ki naḵîb رَئِيسٌ [re΄îs]in mâ-dûnudur.
Sitemizde detaylı hızlı ve kolay arama ekranı