اَلْمَضِيرُ [el-meḋîr] (أَمِيرٌ [emîr] vezninde) ve
اَلْمَضِرُ [el-meḋir] (كَتِفٌ [ketif] vezninde) ve
اَلْمَاضِرُ [el-mâḋir] Ekşi olup kekremti olan süte denir.
اَلْمَاضِرُ [el-mâḋir] (ḋâd’ın kesriyle) Zikr olunan sıfat üzere olan süt, nitekim el-ân mürûr etti. Ebu’l-Beydâ eyitti: مُضَرُ [muḋar] ismi bu maʹnâdan müştaktır ki o Muḋar b. Nizâr b. Meʹadd b. Adnân’dır. Ve ona مُضَرُ حَمْرَاءُ [Muḋaru Ḩamrâ΄] ve kardeşine رَبِيعَةُ الْفَرَسِ [Rebîʹatu’l-Feres] dediler, zîrâ onlar mîrâs bölüştükte Muḋar altın aldı. Ve مُضَرُ [muḋar] zeheb maʹnâsınadır. Ve ذَهَبٌ [žeheb] mü΄ennes olmak iʹtibâriyle مُضَرُ حَمْرَاءُ dediler. Ve kardeşi at sürüsin aldığı için رَبِيعَةُ الْفَرَسِ [Rebîʹatu’l-Feres] dediler. Ve baʹzılar eyitti: Onların ʹalâmeti hâlet-i harbde kırmızı dülbendleri ve kırmızı sancakları olup ve Ehl-i Yemen için sarı sancak olduğuna binâ΄en مُضَرُ حَمْرَاءُ [Muḋaru Ḩamrâ΄] dediler.
Sitemizde detaylı hızlı ve kolay arama ekranı