Kamus-ı Muhit - المؤلفة maddesi

اَلْمُؤَلَّفَةُ [el-mu΄ellefet] (مُعَظَّمَةٌ [muʹażżamet] vezninde) تَأْلِيفٌ [te΄lîf]ten ism-i mefʹûldür, te΄nîsi mevsûf iʹtibârıyladır. Ve Ḵur΄ân-ı mübînde vâkiʹ ﴿وَالْمُؤَلَّفَةِ قُلُوبُهُمْ﴾ kerîmesinden murâd sâdât-ı ʹArabdan şol kimselerdir ki sâ΄irleri dîn-i İslâm’a tergîb ve teşvîk eylemeğe medâr olmak hikmetine mebnî Fahr-i ʹâlem sallallâhu ʹaleyhi ve sellem hazretleri onlar ile te΄ellüf ve sadakât ve ganâyimden hisse iʹtâ eylemek bâbında me΄mûr olmuşlar idi. Baʹzılarına ezâ ve taʹarruzlarının defʹi için ve baʹzılarının islâmlarına yâhûd sâ΄irlerinin İslâmlarına tamaʹan ve baʹzılarının merkez-i islâmda tesebbütleri ümniyyesine mebnî te΄lîf-i kalblerine ibtidâr olunmuştu. Ve onlar tertîb-i âtî üzere otuz bir nefer kimse idi. 1) Aḵraʹ b. Ḩâbis 2) Cubeyr b. Muṯʹim 3) Cedd b. Ḵays 4) Ḩârišamp; b. Hişâm 5) Ḩakîm b. Ḩizâm 6) Ḩakîm b. Ṯuleyḵ 7) Ḩuveyṯib b. ʹAbdulʹuzzâ 8) Ḣâlid b. Esîd 9) Ḣâlid b. Ḵays 10) Zeydu’l-Ḣayl 11) Saʹîd b. Yerbûʹ 12) Suheyl b. ʹAmr b. ʹAbduşems el-ʹÂmirî 13) Suheyl b. ʹAmr el-Cumaḩî 14) Ṡaḣr b. Umeyye 15) Ṡafvân b. Umeyye el-Cumaḩî 16) ʹAbbâs b. Mirdâs 17) ʹAbdurraḩmân b. Yerbûʹ 18) ʹAlâ΄ b. Câriye 19) ʹAlḵame b. ʹ Ulâšamp;e 20) Ebu’s-Senâbil ʹAmr b. Baʹkek 21) ʹAmr b. Mirdâs 22) ʹUmeyr b. Vehb 23) ʹUyeyne b. Ḣiṡn 24) Ḵays b. ʹAdiyy 25) Ḵays b. Maḩreme 26) Mâlik b. ʹAvf 27) Maḩreme b. Nevfel 28) Muʹâviye b. Ebî Sufyân 29) Muġîre b. el-Ḩârišamp; 30) Nuḋayr b. Ḩârišamp; b. ʹAlḵama 31) Hişâm b. ʹAmr.