Kamus-ı Muhit - تعجرف maddesi

اَلْعَجْرَفَةُ [el-ʹacrefet] (دَحْرَجَةٌ [daḩrecet] vezninde) ve

اَلتَّعَجْرُفُ [et-teʹacruf] (تَدَحْرُجٌ [tedaḩruc] vezninde) ve

اَلْعَجْرَفِيُّ [el-ʹacrefiyy] ve

اَلْعَجْرَفِيَّةُ [el-ʹacrefiyyet] (yâ-yı müşeddede ile) Lakırtıda olan gılzat ve huşûnete ve lakırtıyı odun gibi kalın ve uygunsuz bed bed söylemeye denir; yukâlu: فِي كَلاَمِهِ عَجْرَفَةٌ وَتَعَجْرُفٌ وَعَجْرَفِيٌّ وَعَجْرَفِيَّةٌ أَيْ جَفْوَةٌ Ve kâr ve ʹamelde olan nâdânlığa ve nâ-ehliyyete denir ki bir işi lâyıkı ve münâsibi vech üzere işlememekten ʹibârettir, meselâ oku eğri büğrü yonmak gibi; yukâlu: فِي كُلِّ عَمَلِهِ عَجْرَفَةٌ أَيْ خُرْقٌ فِيهِ Ve bir işe yolsuz ve münâsebetsiz keyfe-mâ ittefak şürûʹ ve ikdâm eylemeğe denir; yukâlu: مَا هَذِهِ الْعَجْرَفَةُ أَيِ الْإِقْدَامُ فِي هَوَجٍ Ve kemâl-i sürʹat kasdıyla nizâm üzere yürümeyip çalıksı lâübâliyâne yürüyüşe denir; yukâlu: جَمَلٌ عَجْرَفِيُّ الْمَشْيِ وَفِيهِ عَجْرَفَةٌ وَعَجْرَفِيَّةٌ وَتَعَجْرُفٌ أَيْ قِلَّةُ مُبَالاَةٍ لِسُرْعَتِهِ Ve

تَعَجْرُفٌ [teʹacruf] Büyüklenmek maʹnâsınadır; tekûlu: هُوَ يَتَعَجْرَفُ عَلَيْهَا أَيْ يَتَكَبَّرُ Ve bî-bâk ve bî-pervâ bir kimse üzere hoşlanmayıp istikrâh eylediği mâddeyi tahmîl eylemek maʹnâsınadır; yukâlu: هُوَ يَتَعَجْرَفُ عَلَيْهِمْ إِذَا كَانَ يَرْكَبُهُمْ بِمَا يَكْرَهُونَهُ وَلاَ يَهَابُ شَيْئًا

Vankulu Lugatı - تعجرف maddesi

اَلْعَجْرَفِيَّةُ [el-ʹacrefiyyet] (ʹayn’ın ve râ’nın fethi ve cîm’in sükûnu ve yâ’nın teşdîdiyle) Bi-maʹnâhu kezâlik; yukâlu: جَمَلٌ فِيهِ تَعَجْرُفٌ وَعَجْرَفَةٌ وَعَجْرَفِيَّةٌ إِذَا كَانَ فِيهِ خَرْقٌ وَقِلَّةُ مُبَالَاةٍ لِسُرْعَتِهِ Ve

تَعَجْرُفٌ [teʹacruf] Bir kimsenin üzerine kerîh gördüğü nesneyi tahmîl etmekte bâk çekmemek; yukâlu: فُلَانٌ يَتَعَجْرَفُ عَلَى [فُلَانٍ] إِذَا كَانَ يَرْكَبُهُ بِمَا يَكْرَهُ وَلَا يَهَابُ شَيْئًا