Mü΄ellif طُنُبٌ [ṯunub] kelimesini عُنُقٌ [ʹunuḵ] gibi müfred olmak üzere resm eylemiştir. Lâkin Muḵaddimetü’l-Edeb’de ve Muhežžeb’de طِنَابٌ [ṯinâb] kesr-i ṯâ’yla müfred ve طُنُبٌ [ṯunub] zammeteynle ve أَطْنَابٌ [aṯnâb] cemʹ olmak üzere mersûmdur. Ve
طُنُبٌ [ṯunub] Şol tasmaya denir ki yayın kirişinin ucuna bend edip baʹdehu yayın kulağına geçirirler, tâ ki kiriş kesilmeye. Ve göğüsün üstünde olan sinire denir ki murâd boğazın çukurunu iki taraflı ihâta eden sinirlerdir; ikisine طُنُبَانِ [ṯunubân] derler. Boyun bir tarafa çevrildikte parmak gibi zâhir ve mümtedd olur. Ve
طُنُبٌ [Ṯunub] Mâviyye ile Žâtu’l-ʹUşar nâm mahallerin beyninde bir mevziʹ adıdır; Baṡra huccâcının menâzilindendir. Ve
طُنُبٌ [ṯunub] Ağacın kökünde olan damara ve rîşeye denir ki her tarafa sürüp gider. Ve bedende olan sinire ıtlâk olunur; yukâlu: شَدَّ اللهُ الْمَفَاصِلَ بِالْأَطْنَابِ أَيِ الْأَعْصَابِ
Sitemizde detaylı hızlı ve kolay arama ekranı