Mü΄ellifin Baṡâ΄ir’de beyânından müstefâd olduğu üzereكَسْبٌ [kesb] cemʹ eylemek maʹnâsına mevzûʹ olup baʹdehu saʹy ve ʹamel ile rızk taleb eylemekte şâyiʹ olmuştur. Ve lafz-ıكَسْبٌ [kesb]in mefhûmu eʹammdır, yaʹnî kendi nefsi için ve sâ΄ir için kazanç eylemekte istiʹmâl olunur. Lâkin إِكْتِسَابٌ [iktisâb] hemân kendi nefsi için çalışıp istifâde eylemeğe mahsûstur. Ve baʹzılarكَسْبٌ [kesb] lafzını hayra ve إِكْتِسَابٌ [iktisâb]ı şerre tahsîs eylediler. Kâlallâhu taʹâlâ: ﴿لَهَا مَا كَسَبَتْ وَعَلَيْهَا مَا اكْتَسَبَتْ﴾ Zîrâ إِكْتِسَابٌ [iktisâb]da tasarruf ve ictihâd melhûzdur. Ve şerr nefsin müştehâsı ve ona be-gâyet meyl ve incizâbı olmakla tahsîline gereği gibi çalışıp saʹy u ihtimâm eder, her ne kadar saʹb ve düşvâr ise de; lâkin hayrda bu hâlet yoktur. İntehâ. Ve
كَسْبٌ [kesb] Cemʹ eylemek maʹnâsınadır ki maʹnâ-yı aslîsidir; yukâlu: كَسَبَ الْمَالَ إِذَا جَمَعَهُ Veكَسْبٌ [kesb] iki mefʹûle taʹdiye eder, bir âher adama mâl kazandırmak maʹnâsınadır ki kendi saʹy ve himmetiyle o adam kazanmış olur; yukâlu: كَسَبَ فُلاَنٌ مَالاً أَيْ أَكْسَبَهُ إِيَّاهُ فَكَسَبَهُ هُوَ Ve bu فَعَلْتُهُ فَفَعَلَ tarîki üzere gelen efʹâldendir.
Sitemizde detaylı hızlı ve kolay arama ekranı