اَلنَّافِجَةُ [en-nâficet] (خَارِجَةٌ [ḣâricet] vezninde) Kesîrü’l-matar olan sehâbeye denir, ʹâdetâ bâʹis-i matar olan rîh ismiyle müsemmâdır. Ve
نَافِجَةٌ [nâficet] Eyegü kemiklerinin arka tarafına gelen ucuna denir; نَوَافِجُ [nevâfic] cemʹidir. Ve kız evlâdına ıtlâk olunur, بِنْتٌ [bint] maʹnâsına. Ve bu zikr olunan refʹ maʹnâsından me΄hûzdur ki tekbîr ve tevsîʹi mutazammındır. Mihr akçesiyle pederinin mâlını mürtefiʹ ve muʹazzam eylemekle ıtlâk olunmuştur, zîrâ Aʹrâb tâ΄ifesi mihri alıp kızı ʹuryân teslîm ederler. Ve
نَافِجَةٌ [nâficet] Misk kabına denir ki misk göbeği olacaktır. Ve bu, nâfe-i Fârisî muʹarrebidir, lâkin Miṡbâḩ ʹArabiyyetine zâhib olmuştur. Ve
نَافِجَةٌ [nâficet] Tünd ve şedîd zuhûr eden yele denir.
اَلنَّافِجَةُ [en-nâficet] Her nesnenin ki ibtidâsı kuvvetle gele ona نَافِجَةٌ [nâficet] derler; tekûlu: نَفَجَتِ الرِّيحُ إِذَا جَاءَتْ بِقُوَّةٍ Ve gâh olur ki yağmuru çok buluta dahi نَافِجَةٌ [nâficet] derler, yel sebebiyle olduğu için, nitekim bir nesneye gayrının ismin ıtlâk ederler, onun sebebiyle olduğu için. Ve
نَافِجَةٌ [nâficet] Göbek miskine dahi derler; Fârisîden taʹrîb olunmuştur.
Sitemizde detaylı hızlı ve kolay arama ekranı