اَلنَّخِرُ [en-neḣir] (كَتِفٌ [ketif] vezninde) ve
اَلنَّاخِرُ [en-nâḣir] Çürüyüp ufanmış kemiğe denir. ʹAlâ-kavlin نُخْرَةٌ [nuḣret] çürümüş kemiklere ve نَاخِرَةٌ [nâḣiret] mücevvef olup iki tarafında deliği olan yâhûd göz göz deliklenmiş kemiklere denir. İkisi dahi çürümüş olup lâkin نُخْرَةٌ [nuḣret]te نُخْرَةٌ [nuḣret]-i rîhle savrulur olduğu ve نَاخِرَةٌ [nâḣiret]te çürüklükten câ-be-câ delinmekle savt-ı rîh mürûru mülâhazasına mebnî; yukâlu: عَظْمٌ نَخِرٌ وَنَاخِرٌ وَعِظَامٌ نَخِرَةٌ وَنَاخِرَةٌ أَيْ بَالِيَةٌ مُتَفَتِّتَةٌ أَوِ النُّخْرَةُ اَلْبَالِيَةُ وَالنَّاخِرَةُ الْمُجَوَّفَةُ الَّتِي فِيهَا ثُقْبَةٌ Ve
نَاخِرٌ [nâḣir] Ekti domuza denir; خِنْزِيرٌ ضَارِي maʹnâsına. Cemʹi نُخُرٌ [nuḣur]dur zammeteynle. Ve kimse maʹnâsına istiʹmâl olunur, savt münâsebetiyle; yukâlu: مَا بِالدَّارِ نَاخِرٌ أَيْ أَحَدٌ Ve bu nefy makâmına mahsûstur.
اَلنَّاخِرُ [en-nâḣir] (ḣâ’nın kesriyle) Şol kemiktir ki onun deliğine yel girip çıktıkta نَخِيرٌ [neḣîr]le çıka yaʹnî âvâzla çıka. Ve
نَاخِرٌ [nâḣir] Ehad maʹnâsında dahi istiʹmâl olunur; yukâlu: مَا بِهَا نَاخِرٌ أَيْ مَا بِهَا أَحَدٌ Yaʹḵûb’un Bâhilî’den ettiği rivâyet üzere.
Sitemizde detaylı hızlı ve kolay arama ekranı