اَلْأَوْرَمُ [el-evrem] (أَحْمَرُ [aḩmer] vezninde) Nâs maʹnâsınadır; ʹalâ-kavlin çok nâsa denir. Ve cemʹiyyetli ʹazîm ʹaskere yâhûd cerâd gibi pek münteşir ve mebsût olan ʹaskere denir. Ve
أَوْرَمُ الْكُبْرَى [Evremu’l-Kubrâ] ve
أَوْرَمُ الصُّغْرَى [Evremu’ṡ-Ṡuġrâ] ve
أَوْرَمُ الْبَرَاكِمَةِ [Evremu’l-Berâmiket] ve
أَوْرَمُ الْجَوْزَاءِ [Evremu’l-Cevzâ΄] Ḩaleb kazâsında dört karyedir. أَوْرَمُ الْجَوْزَاءِ [evremu’l-cevzâ΄] dedikleri karyede aʹâcîb-i dehrden bir uʹcûbe vardır ki o karyeye mücâvir olan karyelerden karye-i mezbûre tarafına gece içre nazar olundukta onda olan heykelde âteş şuʹlesi müşâhede olunur. Kaçan heykel-i merkûma gelindikte aslâ âteşe ve şuʹleye müteʹallik hâlet meşhûd olmaz. Şârih der ki bunun nazîri el-ʹuhdetu ʹale’n-nâkil Mıṡır’da olan ehrâmın yukarısından nazar olunsa aşağıda saf-ender-saf kubûr müşâhede olunur ve aşağı indikte kubûrdan eser ve nişâne görünmez.
Sitemizde detaylı hızlı ve kolay arama ekranı