اَلْأَبَابِيلُ [el-ebâbîl] (hemzenin fethiyle) Bölükler ve sürüler, فِرَقٌ [firaḵ] maʹnâsınadır ki فِرْقَةٌ [firḵat]ın cemʹidir. Ve bu müfredi olmayan cemʹdir, عَبَادِيدُ [ʹabâdîd] ve شَمَاطِيطُ [şemâṯît] gibi; yukâlu: جَاءَتِ الْإِبِلُ أَبَابِيلَ أَيْ فِرَقًا Şârih der ki baʹzılar müfredi إِبَّالَةٌ [ibbâlet] ve إِبَّوْلٌ [ibbevl] ve إِبِّيلٌ [ibbîl] olduğuna zâhib oldular. Ve baʹzılar أَبَابِيلُ [ebâbîl] dağ kırlangıcı dedikleri kuş olmasına zâhib oldular, niteki baʹzı kütüb-i tefâsîrde ve Ḩayât-ı Ḩayevân’da mersûmdur.
اَلْأَبَابِيلُ [el-ebâbîl] (hemzenin fethi ve bâ-i sânînin kesri ve meddiyle) Bölükler, firak maʹnâsına; yukâlu: جَائَتْ إِبِلُكَ أَبَابِيلَ أَيْ فِرَقًا Ve
أَبَابِيلُ [ebâbîl] Kuş fırkaları maʹnâsına da gelir. Aḣfeş rivâyeti üzere; yukâlu: طَيْرٌ أَبَابِيلُ Ve Aḣfeş eyitti: Maʹnâ-yı teksîr murâd oldukta bu vech üzere gelir. Ve bu şol cemʹ kabîlindendir ki onun vâhidi yoktur.
Sitemizde detaylı hızlı ve kolay arama ekranı