اَلْأَسْدَرَانِ [el-esderân] (tesniye bünyesiyle) İki gözde iki damara ıtlâk olunur ki göz damarı olacaktır, her biri أَسْدَرٌ [esder]dir; vech-i mezkûr üzere vehn ve zaʹfları sebebiyle gözün hîrelenmesine sebeb olurlar. Ve iki omuza dahi أَسْدَرَانِ [esderân] ıtlâk olunur ki gözlerden gelen damarlar iʹtibârıyla. Ve minhu yukâlu: “جَاءَ يَضْرِبُ أَسْدَرَيْهِ” أَيْ عِطْفَيْهِ وَمَنْكِبَيْهِ أَيْ جَاءَ فَارِغًا وَلَمْ يَقْضِ طِلْبَتَهُ Yaʹnî “Filân, hâcet ve merâmından mahrûm ve tehî-dest geldi” diyecek yerde kelâm-ı mezbûru îrâd ederler. Şârih der ki bu mahalde ṡâd ile ve zâ-yı muʹceme ile de zebân-zeddir. Bu üç harf birbirine muʹâkab olurlar. İntehâ.
Sitemizde detaylı hızlı ve kolay arama ekranı