اَلْإِسْرَارُ [el-isrâr] (hemzenin kesriyle) Bir nesneyi ketm eylemek maʹnâsınadır; yukâlu: أَسَرَّهُ إِسْرَارًا إِذَا كَتَمَهُ Ve izhâr eylemek maʹnâsına olmakla zıdd olur; yukâlu: أَسَرَّ النَّدَامَةَ إِذَا أَظْهَرَهَا Bunda hemze selb içindir. Ve bir adama bir kelâm ve haber yetiştirmek maʹnâsınadır; yukâlu: أَسَرَّ إِلَيْهِ حَدِيثًا إِذَا أَفْضَى بِهِ إِلَيْهِ
اَلْإِسْرَارُ [el-isrâr] (hemzenin kesriyle) Bir nesneyi gizlemeğe derler. Ve âşikâre etmeğe de derler; yukâlu: أَسْرَرْتُ الشَّيْءَ أَيْ كَتَمْتُهُ وَأَعْلَنْتُهُ فَهُوَ مِنَ الْأَضْدَادِ Ve bu maʹnâların ikisiyle dahi Bârî taʹâlânın bu kavl-i şerîfi tefsîr olunmuştur: ﴿وَأَسَرُّوا النَّدَامَةَ لَمَّا رَأَوُا الْعَذَابَ﴾ (يونس 54، سبأ 33) Ve haber ulaştırmağa dahi derler; yukâlu: أَسَرَّ إِلَيْهِ حَدِيثًا أَيْ أَفْضَى وَأَسْرَرْتُ إِلَيْهِ الْمَوَدَّةَ وَبِالْمَوَدَّةِ أَيْ أَعْلَمْتُهَا وَأَخْبَرْتُ بِهَا
Sitemizde detaylı hızlı ve kolay arama ekranı