اَلْأُسْطُوَانَةُ [el-usṯuvânet] (hemzenin ve ṯâ’nın zammıyla) Binâ΄ direğine ve ayağına denir, سَارِيَةٌ [sâriyet] maʹnâsına; vezni أُفْعُوَالَةٌ [ufʹuvâlet]tir yâhûd فُعْلُوَانَةٌ [fuʹluvânet]tir. Ve bu, ustûn-ı Fârisî muʹarrebidir. Ve dâbbe kısmının ayağına ıtlâk olunur. Ve zekere ıtlâk olunur; cemʹi أَسَاطِينُ [esâṯîn]tir; ve minhu أَسَاطِينُ مُسَطَّنَةٌ أَيْ مُوَطَّدَةٌ مُحْكَمَةٌ
اَلْأُسْطُوَانَةُ [el-usṯuvânet] (hemzenin ve ṯâ’nın zammı ile) Direk, sütûn maʹnâsına. Ve أُسْطُوَانَةٌ [usṯuvânet]in nûn’u asliyyedir. Ve bu أُفْعُوَالَةٌ [ufʹuvâlet] vezni üzeredir, أُقْحُوَانَةٌ [uḵḩuvânet] gibi. Ve أُقْحُوَانَةٌ [uḵḩuvânet] papatya çiçeğine derler. Ve bunun nûn’u asliyye olduğuna delîl cemʹinde أَسَاطِينُ [esâṯîn] ve ism-i mekânında مَسْطَنَةٌ [mesṯanet] dedikleridir. Ve Aḣfeş bunun aslı فُعْلُوَانَةٌ [fuʹluvânet]tir dedi. Ve bu kelâm vâv zâ΄id olup mâ-baʹdinde olan iki harf zâ΄id olmasın îcâb eder ki onlar elifle nûn’dur. Ve bunun misli kelâm-ı ʹArabda bulunmaz.
Sitemizde detaylı hızlı ve kolay arama ekranı