اَلنَّسِيجُ [en-nesîc] (أَمِيرٌ [emîr] vezninde) Faʹîl bi-maʹnâ mefʹûldür ki مَنْسُوجٌ [mensûc] maʹnâsınadır. Ve ʹArablar “Filân adamın ʹilm ve maʹrifette yâhûd hüner ve saʹnata nazîri yoktur, bî-hemtâdır” diyecek yerde هُوَ نَسِيجُ وَحْدِهِ derler, zîrâ bir sevb ziyâde fâhir olsa kimse onun minvâli üzere âherini nesc eyleyemez.
اَلنَّسِيجُ [en-nesîc] Arış, faʹîl bi-maʹnâ mefʹûl olmak üzere, nitekim gâh olur argaca رَاسِجٌ [râsic] derler; yukâlu: فُلَانٌ نَسِيجُ وَحْدِهِ Yaʹnî “ʹİlmde ve sâ΄ir hünerde nazîri yoktur.” Ve bunun aslı budur ki sevb kaçan dezgâha çekildikte ziyâde ince ve gâyet aʹlâ olsa, onun minvâline bir bez dahi yanaşmaz ola; kaçan ki dezgâha çekildikte ziyâde ince olmasa, onun minvâlinde niçe bez için niçe arış konmak mümkin olur.
Sitemizde detaylı hızlı ve kolay arama ekranı