اَلْوَسُوطُ [el-vesûṯ] (صَبُورٌ [ṡabûr] vezninde) Kıl çadırlardan bir gûne çadıra ıtlâk olunur ki murâd sâyebândan büyük ve alaçuktan küçük olandır. ʹAlâ-kavlin kıl çadırların pek küçüğüne ıtlâk olunur. Ve şol nâkaya denir ki sağıldıkta sütü kabı doldurur ola; yukâlu: نَاقَةٌ وَسُوطٌ إِذَا كَانَتْ تَمْلَأُ الْإِنَاءَ Ve şol develere denir ki bed-hûy ve serkeş olmakla sühûletle çöküp ve ayaklarını bağlatmaz olduğundan başına ve sırtına çöküp oturtulur ve yük yükletilir olalar. Ve şol nâkaya denir ki müddet-i hamli tamâm-ı seneye bâlig olduktan sonra hamlini kırk gün dahi çekip uzatır ola.
Sitemizde detaylı hızlı ve kolay arama ekranı